Beurtkrag na fase 4 verhoog

Die Kusile-kragsentrale. (Foto: Wikus de Wet/AFP)

Eskom het aangekondig dat fase 4-beurtkrag van Woensdag 09:00 in werking gestel word en tot Vrydag om 05:00 sal voortduur.

Dít volg nadat die energieverskaffer Maandag reeds fase 2-beurtkrag in werking gestel het nadat ʼn eenheid by onderskeidelik die Matla-, Kendal-, Matimba-, Kusile- en Grootvlei-kragsentrale uitgeskop het.

“Dit is met groot teleurstelling dat Eskom verbruikers in kennis moet stel dat nóg kragopwekkingseenhede gedurende die nag uitgeskop het. Dit noodsaak die inwerkingstelling van fase 4-beurtkrag.”

Die jongste kragsentrales wat beïnvloed is, is Kendal, Duvha, Camden en Kusile.

Eskom sê hoewel hy die eenhede weer aangeskakel kon kry, is dit van kragopwekkingsreserwes afhanklik om volledig te funksioneer. Weens die uiters hoë gebruik van diesel word noodreserwes egter vinniger uitgeput as wat dit aangevul kan word.

Eskom sê beurtkrag sal Vrydag weer na fase 2 verlaag word. Dit sal na verwagting tot 05:00 Maandag duur.

“Eskom vra om verskoning vir die inwerkingstelling van fase 4-beurtkrag. Ons sal die situasie deurlopend nagaan en na gelang van omstandighede optree soos dit verander.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

54 Kommentare

jongste oudste gewildste
Misky

Daar is geen lig aan die einde van ons tonnel nie!!!!

Kokerboom

Die resultaat van ‘n dooi perd probeer lewendig kry en hou. Kaderbestuurders het hom dood gery!

Samuel

Eskom is besig met sy nasionale sport. Hoe kan soveel eenhede gelyktydig onklaar raak?

krodedil

Ander lande maak oorlog.
In Suid Afrika het ons ‘n Eskom oorlog agv die ANC se swak bestuur.

mattk

En ja, hulle gebruik nou diesel want die steenkool is nat.