Beurtkrag SA se voorland op lentedag

(Argieffoto: Severin D./Unsplash)

Suid-Afrikaners gaan dele van hul lentedag in die donker deurbring nadat Eskom aangekondig het hy gaan beurtkrag toepas.

Volgens die kragvoorsiener is sy netwerk onder groot druk weens talle opwekkingseenhede wat buite werking is. Fase 2-beurtkrag sal van 12:00 tot 22:00 toegepas word nadat 10 opwekkingseenhede by sewe kragstasies in die afgelope 48 uur met tye buite werking was.

Opwekkingseenhede by die Arnot-, Medupi-, Lethabo-, Matla-, Majuba-, Camden- en Tutuka-kragstasies was met tye buite werking en volgens Eskom het dié kwessie en die nodigheid om sy noodreserwes te bewaar hom genoop om beurtkrag toe te pas.

Onbeplande onderbrekings staan op 11 665 MW terwyl 4 558 MW vir beplande instandhouding afgeskakel is.

“Enige verdere agteruitgang in die opwekkingsvermoë kan daartoe lei dat beurtkrag toeneem.”

Eskom het gesê weens die onbetroubaarheid en wisselvalligheid van sy verouderde infrastruktuur sal die kragnetwerk vir die res van die week onder druk wees.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

18 Kommentare

jongste oudste gewildste
Persheks Adri

Regtig? WEER in die koue en ons moet betaal vir patetiese diens! Ons gaan op hou betaal julle maak naar. Flou verskoning en gaan doen julle werk man

#Tsek Eskom tsek

Persheks Adri

Regtig WEER in die koue en ons moet betaal! Eskom julle is onstabiel. Ons is ook onder druk van alle kante af so doen julle werk waarvoor julle betaal word!

Brenda

Hallo darkness my old friend, i missed you.

Pieter

De ruiter sal niks reg kry by eskom nie hy is maar net daar vir die geld. Hy het geen agter grond van krag nie hulle kon net so wel my vrou sy pos gegee het sy kan darm n krag prop aan sit.

RS

Moes dit verwag het. Dit het te goed verloop die laaste klomp dae toe dit so koud is.