Fase 2-beurtkrag word Saterdag en Sondag toegepas.
Eskom het dié aankondiging Vrydagaand gemaak nadat hy vroeër aangedui het dat die kragnetwerk onder geweldige druk verkeer.
Beurtkrag sal albei dae van 06:00 tot 23:00 toegepas word.
Die kragvoorsiener sê die toepas van beurtkrag is ook noodsaaklik om sy noodreserwes vir die komende week op te bou. Dít nadat Eskom die afgelope paar dae verskeie onvoorsiene kragonderbrekings by sy verouderde kragnetwerke ondervind het.
Eskom moes boonop twee groot opwekkingseenhede by sy Kendal-kragstasie in Mpumalanga afskakel ingevolge omgewingswetgewing. Vier opwekkingseenhede by die Camden-kragstasie is ook afgeskakel.
Die kragvoorsiener doen ’n beroep op verbruikers om elektrisiteit oor die naweek spaarsamig te gebruik om sodoende die uitwerking van beurtkrag te beperk.
Ek wil so graag n paar taai klape toepas!
Ek ook! Maak mens naar verby veral as jy betaal
Hier gaan ons alweer……….
Lekker Eskom!
Pateties verby om die minste te sê ons betaal vir die patetiese diens!!! Dis nie asof ons dit mahala kry nie hoor Eskom
Die seisoen begin goed……sal sien hoe dit eindig, ek nie baie optimisties nie, beurtkrag, en toename in Covid……