Beurtkrag vandag afgeskaal

Argieffoto (Pixabay)

Eskom het aangekondig dat hy beurtkrag later vandag van fase 2 na fase 1 sal afskaal.

Die kragvoorsiener pas sedert 09:00 Vrydag fase 2-beurtkrag toe wat tot 23:00 vanaand sou voortduur. Eskom sê egter nou dat hy van 16:00 af na fase 1-beurtkrag sal afskaal.

Teen vanoggend was daar steeds 11 996 MW se onbeplande onderbrekings. “Ons gaan voort om diesel vir ons oopsiklus-turbines en water by ons pompopgaarskemas te gebruik om kapasiteit aan te vul.”

Eskom poog om onbeplande onderbrekings af te bring na minder as 9 500 MW ten einde nie beurtkrag hoef in te stel nie.

Pres. Cyril Ramaphosa het vroeër die week gesê daar sal van 17 Desember tot 13 Januarie nie beurtkrag plaasvind nie en dat die ligte hopelik daarna ook sal aan bly.

Ramaphosa het ʼn staatsbesoek aan Egipte kortgeknip toe die land die afgelope week in ongekende fase 6-beurtkrag gedompel is.

Ramaphosa het ook gesê afgesien van die kragvoorsiener se talle ánder uitdagings het beweerde sabotasie ʼn verdere bydrae tot die kragvoorsiener se magdom probleme gelewer.
Die president het gesê streng stappe gaan gedoen word teen diegene wat skuldig bevind word en dat die strafregstelsel hiervoor sal sorg.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

16 Kommentare

jongste oudste gewildste
Johann cb

11996 MW! Dus is daar bitter min vordering gemaak met herstel van die kragtoevoer!

jaco

Seker wit mense vol rassisme en wit monopolie kapitaal wat die sabotasie gepleeg het. Andersins funksioneer eskom dan so foutloos, amper perfek.

André André

Die grootste oorsaak van negatiwiteit in die land is om van die ANC en sy entiteite se uitdagings te lees. Ek was so knorrig ek wou nou gaan kole aansteek en die res van die dag/aand geniet, toe keer my vrou en beduie dit is nou eers vieruur.

Jannie van Niekerk

Rerig? Hoekom het ek dan nie krag nie?

Viv

En wie moet dit glo?