Beurtkrag waarskynlik tot Saterdag verleng

Kusile-kragstasie Foto: Leo za1 / © Rute Martins van Leoa’s Photography via Wikimedia Commons

Eskom se bestuurslede het Dinsdag aangedui dat beurtkrag waarskynlik nie Woensdag opgehef sal word soos aanvanklik gesê is nie, maar dalk tot Saterdag kan voortduur. Dit nadat verskeie kragopwekkingseenhede sedert Maandag onverwags die gees gegee het. Dit het ʼn tekort van 4 500 MW se opwekkingskapasiteit tot gevolg gehad.

Nie een van Kusile se drie kommersiële eenhede werk tans nie en een van Medupi se eenhede het ook vroeg Dinsdagoggend die gees gegee.

Volgens Jan Oberholzer, Eskom se bedryfshoof, kan Eskom nie sy gasturbines te veel gebruik nie, aangesien sy damme Maandag feitlik leeg was.

“Ons hoop om van vandag af en die res van die week ʼn hele paar opwekkingseenhede weer tot die stelsel te voeg, maar weens die onbetroubaarheid van opwekkers sal ons beurtkrag tot komende Saterdag moet verleng.”

Volgens Phillip Dukashe, projekbestuurder by Eskom, kan die skielike onderbrekings grootliks toegeskryf word aan verouderde infrastruktuur en ʼn gebrek aan die nodige vaardighede in hul arbeidsmag om dit reg te stel. “Ons probeer ons bes om toerusting in stand te hou en te diens voordat probleme opduik, maar ons kan nie die instandhouding vinnig genoeg doen nie. Daar duik ook gereeld probleme by Kusile en Medupi op, wat nie veronderstel is om te gebeur by kragstasies wat nuut gebou is nie.”

Dit is die tweede keer in net meer as ʼn maand dat al drie Kusile se kommersiële opwekkers gelyktydig die gees gee. Eskom se tegnici het in Februarie dae lank gespook met ʼn probleem met die kontroleerders op eenheid een se turbines wat stoom moet reguleer.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

35 Kommentare

jongste oudste gewildste
krodedil

Dis goedkoper om beurtkrag in te stel as om die krag verniet weg te gee.

Samuel

Ag tog. Kan Eskom nie met beter verskonings voor ‘n dag kom nie?

MakersMark

Useless….

MAGRIETHA

Nou waar is al die vaardig hede dan heen?????? kry dan vaardighede , elke keer diselle ou storie hoekom word daar nie n pln gemaak nie

Dawie

Eskom se verskonings raak nou afgesaag en nie meer relevant nie. Hulle wil meer geld aanvra deur tarief verhogings, maar verbruikers wat direk by Eskom aankoop betaal lyn-en toerustinghuur vir tye ook tydens beurtkrag al is die lyn en toerusting in onbruik vir d9ie tyd wat Eskom nie kan krag voorsien nie. Die Eskom sirkus moet maar vinnig tot ‘n einde kom want daar s te veel narre in die krag-spel