Beurtkrag weer ingestel

(Argieffoto: Unsplash)

Beurtkrag sal om 17:00 Maandag weer ingestel word en tot 22:00 voortduur.

Volgens Eskom sal fase 1-beurtkrag vanaand geld ná die verlies van twee opwekkingseenhede by die Kusile-kragstasie, asook ʼn opwekkingseenheid by onderskeidelik die Kendal- en Tutuka-kragstasie.

“In hierdie stadium is 15 570 MW kapasiteit nie beskikbaar nie weens probleme by kragstasies terwyl 1 273 MW nie beskikbaar is nie weens beplande instandhouding,” het die kragvoorsiener gesê.

Die waarskynlikheid van beurtkrag vir die res van die week is hoog aangesien die kragnetwerk steeds onder druk is.

“Die kapasiteitstekorte sal vir die afsienbare toekoms voortduur en alle Suid-Afrikaners word versoek om hul elektrisiteitsverbruik te verminder, veral tussen 17:00 en 22:00 wanneer die vraag na elektrisiteit die hoogste is.”

Beurtkrag is ook die naweek toegepas, maar is Saterdag om 22:00 opgeskort voordat dit weer Sondag om 17:00 hervat het en tot 22:00 geduur het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

16 Kommentare

jongste oudste gewildste
Peter Pan

Ag Eskom, sit net die krag permanent af asb toe!!

Genis

Mees skandaligste SOE in die land… Net een vraag, waar is die sonkrag plase waaroor almal so spog? Of was Mantashe te besig met sy tweede meesters graad om dit goed te keer?

Persheks Adri

Hulle is ook lus useless pffft! Natuurlik gaan die aanvraag meer wees dis winter en regtig as ‘n mens so moet sukkel in spitstyd kan ek ‘n aar bars!

Pierre

reel net vir nood parlament sitting, dan “toor” hulle gou krag weer uit…

Willempie

“Die waarskynlikheid vir beurtkrag vir die res van die week is hoog….”… moet seker lees “….vie die res van die JAAR…”