Beurtkrag weer terug

(Argieffoto: Unsplash)

Beurtkrag sal weer Woensdag van 14:00 toegepas word weens die kragnetwerk wat onder druk is.

André de Ruyter, hoof van Eskom, het Woensdagoggend tydens ‘n mediakonferensie gesê daar is ‘n verhoogde risiko vir beurtkrag weens totale onbeplande verlies aan kragopwekking van 14 444 MW.

Teen die einde van die mediakonferensie het De Ruyter aangekondig dat fase 2-beurtkrag om 14:00 vandag begin en tot Saterdagoggend om 05:00 sal voortduur weens nog eenhede wat onklaar geraak het.

Daar is onder meer probleme by die Kusile- en Medupi-kragstasies.

De Ruyter het ook gesê Eskom is van voorneme om die naweek meer as 3 400 MW se opwekkingsvermoë af te skakel ten einde instandhouding op sewe eenhede te doen. Dit is egter nie duidelik of Eskom nou hiermee gaan voortgaan nadat beurtkrag weer ingestel moes word nie.

Eskom het kort na die mediakonferensie in ‘n verklaring gesê fase twee-beurtkrag word geïmplementeer weens voortdurende onvoldoende opwekkingskapasiteit en die verlies van ‘n eenheid elk by die Medupi-, Duvha- en Kendal-kragstasies vanoggend. “Dit is om die oorblywende noodreserwes by die oopsiklusgasturbines en pompopgaarstasies te bewaar om hoër fases van beurtkrag te voorkom.”

Van die vyf eenhede wat gister onklaar geraak het, is ‘n eenheid elk by die Majuba-, Kriel- en Matimba-kragstasies weer in diens geneem terwyl daar steeds herstelwerk gedoen word by die oorblywende twee eenhede.

Totale onbeplande verlies aan kragopwekking het teen die einde van die mediakonferensie 15 485 MW beloop terwyl beplande instandhouding op 4 100 MW was.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

30 Kommentare

jongste oudste gewildste
Peter Pan

LOL

Johann

Kan hulle net ophou om EERS te se die “netwerk onder druk” en dan 3 ure later “beurtkrag”! Se net van die begin af beurtkrag! Ek laat my nie vertel hulle het nie al gister geweet van beurtkrag nie. Ons is nie stupid nie!

VaalDonkie

Wat kan mens nou se wat nie alreeds honderde male gese was nie? Ek het in elk geval vanmore al my herlaaibare ligte deurgekyk en ek kry nog ‘n UPS more sodat ek kan aanhou werk as die krag afgaan vir lang periodes.

Renier johannes

Werk eskom regtig baie dankie vir kers krag

Belinda

Here we go again…