’n Liggaam is Woensdag in ’n petrolpypleiding, wat petrol van Kendal na Waltloo vervoer, aangetref. Die vermoede bestaan dat die oorledene ’n dief was wat met die petrolpyp gepeuter het.
Michelle Phillips, uitvoerende hoof van Transnet-pypleidings, sê dié maatskappy het sy noodreaksieplan in die vroeë oggendure in werking gestel toe die nasionale bedryfsentrum ʼn verlies aan druk op die Kendal-na-Waltloo-petroleumpypleiding opgemerk het.
Sekuriteitspanne is onmiddellik geaktiveer en het die liggaam van ’n ongeïdentifiseerde persoon in die blokklepkamer aangetref.
Die voorval is by die polisie aangemeld en ʼn geregtelike doodsondersoek is begin.
“Hierdie voorval is ʼn waarskuwing aan oortreders omtrent die gevare daaraan verbonde om te peuter met hoëdruk petroleumpypleidings. Hul optrede het in die verlede al tot sterftes, ernstige beserings, brande, ontploffings, omgewingskade en ander bateskade gelei,” sê Phillips.
Hierdie grusame dood bring die totale aantal sterftes wat in dié konteks die afgelope drie jaar aangemeld is op sewe te staan. “Sou die kriminele aktiwiteite voortduur, kan meer mense sterf,” sê Phillips.
Toe van slim sy baas of is dit dief.
Wie nie hoor moet voel.
WIE gee om. Good riddance to bad rubbish
Pragtig mag hul almal dit oorkom. Geregtigheid sal geskied al neem dit soms lank.