Bfn-man sterf ná hy vyf verdiepings ver val

Argieffoto

ʼn 59-jarige man is Woensdagmiddag dood nadat hy vyf verdiepings ver geval het in ʼn gebou in Bloemfontein.

Werner Vermaak, woordvoerder van ER24, het aan Maroela Media gesê die man was besig om in ʼn skag te werk. “Dit is een van daardie skagte wat gewoonlik gebruik word vir onderhoudswerk. Telefoonkabels, brandslange en ander items word in dié skagte gestoor,” het Vermaak gesê.

Volgens die man se medewerker het hy in ʼn stadium vooroor geleun en toe in die skag afgeval.

Volgens Vermaak het die voorval in ʼn gebou in St. Andrewsstraat plaasgevind. “Ons paramedici het net na 15:00 by die toneel aangekom en het die man en die medewerker aan die onderkant van die skag aangetref. Die medewerker het onmiddellik ondertoe gehardloop toe die man geval het,” het Vermaak gesê.

“Die man het veelvuldige beserings opgedoen en daar was niks wat ons vir hom kon doen nie,” het Vermaak gesê.

Die omstandighede rondom die voorval sal deel uitmaak van die polisie se ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

Elana ·

Health en Safety?? Waar was sy harnas? Hoe word hy op die perseel toegelaat sonder veiligheids klere….. Dis hoekom daar wette is!

Bertie ·

Stem 100% saam, gooi veiligheid by die agterdeur uit en verwag vir ongeluk om by die voordeur in te stap.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.