Bfn-vrou verkrag toe man gaan draf

Argieffoto

Argieffoto

ʼn Bloemfonteinse man moes Dinsdagoggend magteloos toekyk hoe ʼn aanvaller sy vrou verkrag, terwyl sy twee makkers hom met ʼn vuurwapen aangehou en hul huis geplunder het.

Konst. Wendy Nkabi, woordvoerder van die polisie, het gesê die 53-jarige man is omstreeks 05:30 deur drie aanvallers in ʼn straat in Pellissier oorval terwyl hy gedraf het. Die mans het hom na sy huis gedwing waar sy vrou (51) in die hoofslaapkamer was.

“Een van die verdagtes het die man met ʼn vuurwapen aangehou, terwyl die tweede die huis deursoek het vir waardevolle items. Die derde verdagte is na die hoofslaapkamer waar hy die vrou verkrag het,” het Nkabi gesê.

Die drie aanvallers het daarna op die vlug geslaan met ʼn onbekende bedrag kontant en selfone. Die man was ongedeerd. Die egpaar se name kan nie bekendgemaak word nie, om die identiteit van die vrou te beskerm.

Niemand is nog in verband met die voorval in hegtenis geneem nie.

Volgens Nkabi is dit die derde voorval van verkragting die afgelope week in die stad. Sy kon nie bevestig of die voorvalle met mekaar verband hou nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

36 Kommentare

jongste oudste gewildste
Berhalet Beukes

So word mense geterroriseer… Dit is afskuwelik, afstootlik en onaanvaarbaar dat dit maar net al meer en meer begin gebeur. Ek voel baie jammer vir hierdie man wat hulpeloos moes toekyk en jammer dat hierdie vrou dit moes deurmaak.

Jaco

En die aanvallers het dit nou seker gedoen om ekonomiese redes die dat hulle nog disadvantaged is. My maag draai. Wanneer, wat en wie gaan iets hieraan gedoen word? Ek’s jammer dat dit met julle gebeur het, sterkte aan julle.

M

Mens is alklaar soos gevangene in jou eie huis. Jy kan nie eers meer gaan stap of draf nie want hiedie mense is altyd op die loer .

johny

Kry kameras om jou huis dat jy altyd kan sien wat in jou omgewing aangaan.En dan word jy nie onverhoeds betrap nie

Hein

Jammer wat met hierdie mense gebeur het. Regtigvaaklig…Wat het die politieke partye uitgerig sedert die vorige verkiesing. Indien hulle niks uitgerig het nie en toestande verskeg het kan jy nie vir hulle weer stem of geensis stem omdat die demokrasie nie werk nie. Ons moet nou ons rue styfmaak en saam met hierdie mense weerstand bied( nie oorlog).