Bheki Cele se plan om misdaad te bekamp

Bheki Cele. Foto: GCIS

Polisieminister Bheki Cele het Maandag gesê selfs administratiewe polisiebeamptes landwyd sal as deel van ʼn nuwe misdaadbekampingsveldtog agter hul lessenaars moet uitskuif om misdaad in die land te help bekamp.

Cele en genl. Khehla Sithole, nasionale polisiekommissaris, het Maandag tydens ʼn inligtingsessie ʼn plan bekend gemaak wat ten doel het om misdaad in Suid-Afrika finaal ʼn nekslag toe te dien.

Cele het gesê hy het die SAPD se topbestuur opdrag gegee om ʼn buitengewone operasionele benadering te neem om die skielike toename in misdaad in die land te stabiliseer.

Volgens hom gaan die polisie daarom voort met streng ingryping om sigbare polisiëring te verhoog in ʼn poging om die drastiese toename in misdaad hok te slaan.

Cele sê dié misdaadbekampingsveldtog sal “die migrasie van hulpbronne vanaf ʼn strategiese raamwerkvlak tot ʼn operasionele raamwerkvlak behels”.

“Dit beteken dat provinsies soos Gauteng, KwaZulu-Natal en die Wes-Kaap, wat die meeste geraak word deur die toename in misdaad, se polisiëringsigbaarheid verhoog sal word deur meer luitenantgeneraals in die provinsies te ontplooi. Ons sal ook alle lede mobiliseer wat gewoonlik administratiewe pligte het om die sigbaarheid van polisiebeamptes te verhoog – veral in geïdentifiseerde areas [waar die misdaad hoog is].”

Cele het gesê die transitorooftogte, motorkapings, moorde en verwante misdade, huisrooftogte, bendegeweld en taxi-geweld sal geprioritiseer word.

Volgens hom sal die polisie ook meer aandag gee aan onopgeloste sake. “Ten einde ʼn volhoubare afname en stabilisering van misdaad te verseker, het ons besef dat ons die onopgeloste sake beter moet bestuur. Toegewyde speurders sal al om die uur werk om bewyse in te samel om diegene te identifiseer wat verantwoordelik is vir die pleeg van ernstige en gewelddadige misdade.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

48 Kommentare

jongste oudste gewildste
jennefer

Sowaar?.

pietp

Ja né,ek is opgewonde.

Willem

Sy gesig lyk nie soos iemand wat n plan het nie. Miskien n aftree plan dis omtrent dit.

Ian

Jip. Die ontplooiing van meer generaals behoort die sigbaarheid van die polisie aansienlik te verhoog… Sien uitdaarna om hierdie generaals op voetsoolvlak te sien diens doen.

thinus

hy bedoel seker lui beamptes moet vir ‘n slag hul agterstewes uit die stoele lig en begin dink aan werk!