Binnelanders-skrywer ‘sal altyd in ons harte wees’

Elsabe Roux (Foto: Facebook)

Elsabe Roux (Foto: Facebook)

Frans Kalp, ʼn vriend van die Binnelanders-skrywer Elsabé Roux wat op Kersdag oorlede is, het gesê sy sal altyd in hul harte bly.

Kalp, ook ʼn medeskrywer van dié gewilde sepie, het aan Maroela Media gesê Roux was in die hospitaal met ʼn maagsweer. “Sy is weens mediese komplikasies oorlede,” het hy gesê.

Roux (40) was ’n talentvolle draaiboekskrywer wat haar loopbaan by Egoli: Plek van Goud begin het. Deur die jare was sy by talle sepies betrokke, onder meer Villa Rosa, Binnelanders, Generations en Isidingo.

“Elsabé sal altyd in ons harte wees en ons sal vir haar lief bly,” het Kalp bygevoeg.

Die vriende is tans by Roux se huis om mekaar te ondersteun.

Elsabé laat haar sesjarige dogtertjie, Stella, agter.

Maroela Media het vroeër berig kykNET en Binnelanders het Kersdag afskeid geneem van Roux en die bekende vervaardiger, Friedrich Stark.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

2 Kommentare

Saartjie ·

Nog so jonk. Die arme sesjarige kleuterkind wat nou sonder mamma gelaat word. Dis baie hartseer.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.