BLF-adjunk byna verwurg

Zanele Lwana, adjunkpresident van BLF. Foto: Facebook

Die radikale organisasie Black First Land First (BLF) sê ʼn aanval op sy adjunkpresident was polities gemotiveer.

ʼn Onbekende man het in Saterdagoggend omstreeks 02:00 toegang tot Zanele Lwana se woonstel in Soweto verkry en haar te lyf gegaan. “Mede‑kamerade het wakker geskrik van die worsteling toe Lwana terugbaklei het,” sê Lindsay Maasdorp, BLF-woordvoerder, “waarna die inbreker op die vlug geslaan het met twee selfone, onder meer die adjunkpresident sʼn.”

Maasdorp sê die inbreker het Lwana probeer wurg. Haar nek is beseer en sy het kneusplekke aan haar arms opgedoen.

“BLF glo dit was nie ʼn lukrake misdaad nie,” sê Maasdorp, “maar ʼn polities gemotiveerde daad om die adjunkpresident te probeer intimideer in die hoop dat sy te bang sal wees om getuienis te lewer voor die Zondo-kommissie van ondersoek na staatskaping.”

Lwana sal na verwagting op 12 Februarie voor die kommissie getuig. “Wat jammer is, is dat die polisie na die toneel ontbied is,” sê Maasdorp, “maar heeltemal onbehulpsaam was en geweier het om ʼn saak te open.”

BLF het onderneem om die kommissie in te lig van “dié poging om die adjunkpresidente en ons beweging te intimideer”. Die organisasie waarsku almal wat geïmpliseer word in korrupsie “om terug te tree, want niks sal verhoed dat die BLF getuienis voor regter Zondo lewer nie”.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

42 Kommentare

jongste oudste gewildste
Hansie Slim

Siestog!!

Ig

Iemand verwurg haar, sy baklei terug en haar comrades word wakker om te help en toe vlug die ‘inbreker’ met 2 fone? Mmmmm, iets rym nie

Gert

Byna, Amper? Nou wat moet die mense op Schweizer van hul ondervinding sê, o ja en op baie ander plekke oor hierdie uitgeworpe Julius-man?

Hennie

Oe aaa adjunk president nogal! Wow, waar kan ons kom neurbuig om die parasiet te aanbid? Hoog edele dierbare parasiet!

Pieter

Vergelding na die mislukte ontvoering van die wit seun in Hilton? Maasdorp het onderstreep dat vir elke swart persoon wat sterf in taxi geweld, 3 wittes sal sterf. Toe draai die gety. Pas op wat jy kwytraak.