BLF-president verkla oor ‘haatspraak’

Andile Mngxitama het gewaarsku as Johann Rupert die taxibedryf op die EFF loslaat, sal hulle vyf wit mense doodmaak vir elke swart mens wat sterf.

Minstens twee organisasies het reeds aangedui hulle wil ʼn amptelike klag teen die president van Black First Land First (BLF) indien weens sy beweerde rassistiese uitlatings op ʼn saamtrek van dié organisasie in Potchefstroom waar hul verkiesingsveldtog bekendgestel is.

Andile Mngxitama het Saterdag na aanleiding van die sakemagnaat Johann Rupert se dreigement om die taxibedryf te mobiliseer om hom teen die EFF se dreigemente te beskerm, gesê vir elke swart mens wat in so ʼn konflik sterf, sal sy party “vyf wit mense doodmaak”.

“Johann Rupert, dis in die haak,” het Mngxitama in dié omstrede toespraak gesê. “Betaal die taxibedryfbase. Maar dis hoe dit is: Vir elke mens wat deur die taxibedryf doodgemaak word, sal ons vyf wit mense doodmaak.”

Dr. Pieter Groenewald, VF Plus-leier, beplan om Dinsdagoggend om 11:00 ʼn klag teen Mngxitama by die Potchefstroomse polisiestasie in te dien.

AfriForum het intussen sy regspan opdrag gegee om hofstukke op te stel om Mngxitama by die gelykheidshof van haatspraak aan te kla. Die organisasie versoek ook ’n bevinding deur die hof dat die Nasionale Vervolgingsgesag (NVG) ondersoek moet instel om Mngxitama strafregtelik te vervolg.

Mngxitama se uitlatings is blatante haatspraak.

Ernst Roets, adjunk- uitvoerende hoof van AfriForum, sê Mngxitama se uitlatings is “blatante haatspraak en aanhitsing van geweld” en onderneem hulle sal “dit met die nodige erns beveg”.

In die hofstukke vra AfriForum voorts dat Mngxitama beveel word om R500 000 aan ’n organisasie te betaal wat dit daarvoor beywer om haatspraak te beveg.

Roets sê hul hofstukke behoort teen môre by die gelykheidshof geliasseer te word.

Zanele Lwana, BLF-woordvoerder, het Maandagoggend aan Maroela Media gesê dit was Rupert, nie hulle nie, wat rassehaat aangeblaas het toe hy gesê het hy sal “die taxibedryf loslaat op die EFF” om hom teen dié party te beskerm omdat hy kwansuis dié bedryf beheer. “Ons het bloot op sy uitlatings gereageer,” sê Lwana.

“Ons sal nie toelaat dat [Rupert] swart mense gebruik om ons aan te val nie. Ons sal nie swart mense aanval nie, maar onsself verdedig teen die wit mense wat hulle stuur om ons aan te val.”

Die Menseregtekommissie se woordvoerder was ondanks talle pogings nog nie beskikbaar om kommentaar te lewer nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

27 Kommentare

jongste oudste gewildste
Johnnie

Nou wat gaan nou eindlik met die BlafLawaaiFlaffie gebeur net mooi niks nie want hulle is mos swart en kan maak en se net wat hulle wil.

gatvol

Vat hom Gerrie! Vat hom!

Staak saam

Met Malema sal niks gebeur nie want hy doen voetwerk vir die ANC en toets die waters, maar hierdie een, hulle gaan sy strot uitruk as voorbeeld dat rassisme nie geduld sal word nie, wat n mooi voorbeeld gaan dit net nie die wereld in stuur nie.

Merk my woorde!

Thinus Erasmus

Die “menseregte’ kommissie sal nie kommentaar lewer nie – die knop in hul kele is nog te groot. (van lekkerkry)

Komaan

MENSEREGTEKOMMISSIE SE WOORDVOERDER KRUIP WEG WANT DI E oortreder is nie WIT NIE, as dit ‘n Sannie of JANNIE was was hy vandag in die hof en more in die tronk . maar o wee die MENSEREGTEKOMMISSIE is ‘n groot grap en so liberaal soos wat kan kom … BEWYS MY VERKEERD.