BLF steeds op stembrief ná hofaansoek

Andile Mngxitama van BLF. (Foto: Facebook)

Die kieshof in Johannesburg het die Vryheidsfront Plus gelyk gegee dat die Onafhanklike Verkiesingskommissie (OVK) ‘n fout gemaak het om Black First Land First (BLF) vir die verkiesing te laat registreer, maar geen opdrag is gegee om hul stemme uit die verkiesing te verwyder nie.

Die VF Plus se beswaar teen die registrasie van die BLF berus daarop dat die BLF slegs swart mense as lede toelaat. Dit is teen die beginsel van nie-rassigheid in die Kieswet.

Die VF Plus voer dus aan die BLF is verkeerdelik as politieke party geregistreer en tot die verkiesing toegelaat.

In sy opsomming van die dag se gebeure het die leier van die VF Plus, dr. Pieter Groenewald, gesê die kieshof het die VF Plus gelyk gegee dat die OVK nooit die BLF moes registreer as politieke party nie.

Terselfdertyd het die kieshof slegs gesê dat die OVK die fout moet regstel – nie hoe die fout reggestel moet word nie. Die kieshof het byvoorbeeld nie opdrag gegee dat die BLF van die stembrief verwyder moet word of dat die party se stemme nie getel moet word nie.

Die OVK het vroeër aangevoer dat die land se 60 miljoen stembriewe reeds gedruk is teen ‘n koste van R25 miljoen en dat dit nie nou oorgedoen kan word nie.

Groenewald het gesê dis heeltemal moontlik vir die OVK om die BLF se stemme as ongeldig te verklaar. Die VF Plus sal dus in die volgende dae die OVK se optrede dophou en besluit wat die party se eie optrede sal wees.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

43 Kommentare

jongste oudste gewildste
Gert van Wierdapark

Laat die stemvee vir die Bfl stem en is dit heel eenvoudig – die stemme tel net nie!! “Finish en Klaar”!

Andreas

“Pass the buck”. Hoe dan anders? Heen en weer en heen en weer.

Boerin

Wat n grap!! Nee solank hulle die wittes haat sal hulle nie verwyder word nie! Was die skoen aan die ander voet sou die saak nie hof toe gegaan het nie !die OVK sou dadelik n besuit neem!
Almal te bang om te se wat die eintlike regstelling is.

Dries du Toit

Indien die opperste rassistiese BLF toegelaat gaan word om aan die verkiesing deel te neem sal dit sonder enige twyfel bewys dat al hierdie mooi dinge wat in ons grondwet staan nie die ink op daai papier werd is nie. Dit sê ook bitter baie dat dit net die VF+ is wat hier die grondwet beskerm. Waar is die DA. Sê gou vir ons Annie

Wurmpie

Tot die howe is vir hulle