BLF vaar uit ná deregistrasie as politieke party

Die organisasie Black First Land First (BLF) sê hy gaan hom nie verder onderwerp aan die “boendoehowe van wit oorheersing” nie en het besluit om nié teen die kieshof se beslissing, dat hy as politieke party gederegistreer word, te appelleer nie.

Die BLF is gederegistreer omdat hy op grond van ras diskrimineer deur nie mense van alle rasse as lede te aanvaar nie. Wit mense mag nie lid van die BLF word nie. Die besluit is Maandag geneem.

“BLF is bewus dat die hele wit establishment vreesbevange is vir die swart agenda wat ons verteenwoordig,” het die organisasie getwiet.

Hy sê dit is die “slegs wittes, politieke organisasie van gronddiewe – die VF Plus”, wat die kwessie gedryf het.

Dr. Pieter Groenewald, VF Plus-leier wat inderdaad die veldtog teen die BLF aangevoor het, het Dinsdag uitgewys dat die VF Plus deurgaans volgehou het dat die BLF wit mense uitsluit. Die BLF se verweer was dat mense van ander rasse ook as swart beskou kan word.

Volgens Groenewald is die deregistrasie van die BLF ʼn oorwinning vir die hele Suid-Afrika omdat dit ʼn oorwinning oor rassehaat en onverdraagsaamheid is, asook vir wet en orde.

Groenewald het gesê dit is nogtans jammer dat die Onafhanklike Verkiesingskommissie (OVK) die wet oortree het deur die BLF as party te registreer, want niemand is verhewe bo die wet nie.

Volgens die BLF het die organisasie alle vertroue in die strafregstelsel verloor en meen dat die kieshof, nes die meeste ander howe, openlik vyandig en bevooroordeeld teenoor die BLF is.

“Swart mense weet nou dat dit in Suid-Afrika onwettig is om swart te wees. BLF is ʼn revolusionêre beweging wat sal voortveg tot swart mense waarlik vry is. Grond of die dood,” het die organisasie getwiet.

Die DA het ook die deregistrasie van die BLF verwelkom. “Sedert die party se ontstaan het dit verdeeldheid onder Suid-Afrikaners gesaai, deurdat slegs swart mense lid kon wees van die party,” het Mike Moriarty, DA-hoofsweep in die Gautengse wetgewer gesê. “Daar is geen plek vir so ʼn party of vir politici wat stemme wen deur haar aan te vuur nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

41 Kommentare

jongste oudste gewildste
James

Swart agenda hahaha nout ek lekker gelag. Soos blackouts…

Johnny

Baie bly daaroor daar is so baie haat in ons land politiek sal altyd daar wees maar in ons company leef ons sonder politiek en gaan ons as familie wit swart company net vorentoe sonder bribes en word net sterker werk en verhoudings groei elke dag

Gert van Wierdapark

Ag tot, die “grond outjies”wil ook darem net gesien en gehoor word! Ek wonder of hul toe tog vir hulself gestem het.? Die beslissing on hul Nie as par-ty toe te laat nie, is voor die verkiesing geneem. Hul het dus steeds nie grond on op te staan om dit te betwis nie.

Dries Bý

Hy moet net dit kalmer vat die revs is te hoog as jy so will operate vat dit kalm .
Anyway is daar nie plek vir aandagsoek op sy vlak nie.

Emma

Ja is die anc, blf en eff wat nie vorentoe kan beweeg nie. Ras is net vir hulle te belangrik. Ons op grondvlak voel heeltemal anders teenoor mekaar as wat hulle aanblaas. Kan maar nie oor die wittes kom nie net hul geld is goed genoeg