Ná 24 onoorwonne wedstryde en ’n rits titels is die Blitsbokke ongetwyfeld op die kruin van die wêreldsewesgolf.
Shakes Soyizwapi se spanlede het die afgelope naweek hul tweede agtereenvolgende toernooi in Dubai gewen toe hulle vir Australië met 10–7 in die bekereindstryd geklop het.
Te danke aan hul uitstekende vertoning is JC Pretorius, Impi Visser, Ronald Brown en Shilton van Wyk almal in die toernooi se droomspan ingesluit.
Ja, die Suid-Afrikaners het tydens die Olimpiese Spele in Tokio teleurgestel, maar sedertdien bars hul trofeekas uit sy nate.
Toegegee, Nieu-Seeland is deesdae pal afwesig by internasionale sewestoernooie, maar die Blitsbokke moet steeds ses wedstryde per toernooi wen om met die silwerware weg te stap.
En dit is presies wat hulle doen.
Die Suid-Afrikaners (44 punte) is ná twee toernooie gemaklik voor op die jongste reeks se puntelys, gevolg deur Argentinië (34) en Australië (32).
Droomspan: JC Pretorius, Impi Visser, Ronald Brown, Shilton van Wyk, Herman Humwa (Kenia), Josh Turner (Australië) en Dietrich Roache (Australië).
Getting it done in Dubai ????????
???? Say hello to the @HSBC_Sport Men's Dream Team from the second weekend of #Dubai7s #HSBC7s pic.twitter.com/9fE86dVNnb
— World Rugby Sevens (@WorldRugby7s) December 6, 2021
Baie Geluk !!
Daar is geen kwotaspelers in die span nie.Elke persoon is daar op meriete.Ek sal hulle ondersteun.
Knap gedaan manne! Julle werk hard in daai hitte.
Briljant !! – En nie ‘n kniekruiper in sig nie !!
Briljante afrigter en briljante spelers.