BLM: Keuse om nie knie te buig ‘nie teken van rassisme’

Minister Nathi Mthethwa. (Foto: Kopano Tlape/GCIS)

Die Suid-Afrikaanse Instituut vir Rasseverhoudinge (IRV) sê die minister van sport, Nathi Mthethwa, se uitsprake oor agt Suid-Afrikaanse rugbyspelers wat nie die knie gebuig het voor ʼn klubwestryd in Engeland ter ondersteuning van die Black Lives Matter-beweging nie, kom neer op kommerwekkende en onvanpaste inmenging met spelers se vryheid van spraak en assosiasie.

Die navorsing- en beleidsorganisasie sê Mthethwa het SA Rugby gevra om kommentaar te lewer oor die keuse wat die agt spelers gemaak het.

Luidens die IRV se verklaring het die minister gesinspeel dat hul optrede “rassistiese gedrag en die wys van ʼn rassistiese houding” behels en dat dit “nie geduld” kan word nie.

Die minister het opgemerk dat die spelers T-hemde ter ondersteuning van “Rugby Against Racism” gedra het, maar hy het hulle steeds uitgesonder omdat hulle “nie die knie gebuig het ter ondersteuning van die BLM-beweging” nie.

Die IRV sê Mthethwa het geen reg om daarop aan te dring dat die spelers kniel nie.

“Om te kies om nie te kniel nie, is nie ʼn teken van rassisme of enige ander walglike gedrag wat die minister wil aanvoer nie. Vir baie is om te kniel ʼn geloofsdaad wat net voor God geneem word,” het die IRV gesê.

Die organisasie sê ʼn ruimte is geskep wat voorstel dat steun vir BLM nodig is om te bewys iemand is gekant teen rassisme,  maar dat dít onwaar en moedswillig is.

“Sommige sê die gedagte om BLM te ondersteun is prysenswaardig, selfs al is steun van die beweging ongewens. Om daardie onderskeid te moet probeer regverdig is ongewens en onnodig. Steun vir ‘Rugby Against Racism’ is ʼn onomwonde uitdrukking van teenkanting teen rassisme,” sê die IRV.

Die instituut sê Mthethwa se vermaning is ʼn blatante verontagsaming van die spelers se grondwetlike reg op vryheid van geloof, mening, uitdrukking, assosiasie en bowenal waardigheid.

Die DA het vroeër gesê Mthethwa is besig met ʼn heksejag en dat sy uitsprake oor die kwessie Suid-Afrikaners verdeel.

Volgens DA-LP Zakhele Mbhele is die minister se versoek aan SA Rugby vir ʼn verduideliking belaglik en dat geen Suid-Afrikaner gedwing moet word om steun vir enige beweging te toon nie.

Die burgerregteorganisasie AfriForum het op sy beurt gesê hy beskou die minister se aandrang dat SA Rugby teen dié spelers moet optree, as diktatoriaal.

Solidariteit het gesê hy sal intree namens enige van die agt spelers wat deur die minister geteiken is, asook enige ander sportlui wat in die beoefening van hul beroep benadeel word weens hul weiering om die BLM-beweging te ondersteun.

Die VF Plus het ook gesê Mthethwa se dreigemente teen sportlui wat nie die knie voor die BLM-ideologie wil buig nie, is ongrondwetlik en verkeerd.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

38 Kommentare

jongste oudste gewildste
Pieter

Ja die ou swart rasis. Waar is ou AB en span wat so kniee buig. Die 8 manne het meer in hulle as almal saam wat net buig oor dit media sou haal as hulle nie doen nie, want baie kniee oor dit en nie oor hulle regtig wil of sou nie.

Trotse Boervrou

IRV, te min, te laat. Die skade is aangerig en SA Sport gaan dit aan hul sak voel. Ons is klaar met SA Sport.

RS

Onkunde en geen geestelike waardes nie. As hy kerk toe gegaan het vir die regte redes sou hy weet dat daar net voor God gekniel word.

antieke antie

nog iemand wat gekies het om nie tevrede te wees met hoe hy gebore is nie… hy moet sy ouers dagvaar… miskien voel hulle hy is ook n verleentheid vir hulle… gemaak en laat staan

Duwweltjie

Die minister tree doktoriaal op en ek vermoed HY het ‘n erge streep rassisme in hom.

Hy moet eers na binne kyk voor hy so klappe links en regs wil uitdeel en boonop is dit nie sy taak om sport te “micro manage” nie.

Sy loopbaan rekord spreek van mislukkings tot dusver.