‘Bloedbad’ toe gewapende man op groep losbrand

Argieffoto: Netcare 911

Argieffoto: Netcare 911

Ses mense is dood nadat ʼn onbekende persoon met ʼn vuurwapen op ʼn groep mense by ʼn taxistaanplek in Durban losgebrand het.

Chris Botha, woordvoerder van Netcare 911, het gesê die voorval het in Brookstraat agter die ou treinstasie gebeur. “Dit is nog nie duidelik wat die rede vir die skietery was nie,” het Botha gesê.

Volgens Botha was dit ʼn “bloedbad” toe paramedici by die toneel opdaag. Ses mense is dood en drie beseer. “Paramedici van Netcare 911 en die provinsiale nooddienste het die beseerdes gestabiliseer voordat hulle na ʼn nabygeleë hospitaal gehaas is,” het hy gesê.

Die polisie was op die toneel om die voorval te ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

9 Kommentare

RSA ·

Ons mooi land is besig om in n oorlogsone te ontaard en teroriste en krimenele loop vrylink
rond. Gaan dit ooit weer beter word?

Hendrik ·

Taxi staanplekke was nog altyd ‘n oorlogsone. Swart skole was nog altyd in die nuwe Suid-Afrika ‘n gemors, Baragwana Hospitaal was uitstekend en is nou net die grootste hospitaal in die suidelike halfrond. Ek dink dit is belangrik dat ons moet nie veralgemeen nie en dat ons net feite praat. Soos byvoorbeeld: Staatsgeondersteende vorige model C skole doen baie goed in die matriekeksamen.

James Van Zijl ·

Onwettige handelige met gesteelde of swart mark vuurwapens is huidiglik die NORM.
Niemand is veilg nie.
Hier sê ek : n gemotiveerde polisimag , en meer belangrik nog , n WERKENDE REGSTELSEL IS AL WAT IETS HIEAAN KAN DOEN.

Lisa ·

Goeie genugtig!!! Wat gaan aan met die land? Pleks dat Zuma hom bekommer oor wat in die land aangaan en nie vinger swaai na die Weste nie.

Winston ·

Heeltemal normaal vir Afrika. Heeltemal abnormaal vir baie van ons. En die ergste is, die wat nie deelneem nie gee nie om nie. Bosreëls

Hein ·

Die probleem lê by die taxi industrie. Hulle maak soos hulle smaak, is jaarliks verantwoordelik vir honderde mense se dood, duisende rande se skade aan ander voertuie. As jy my vra, is hulle ‘n groot oorsaak van padwoede wat na die werk en huis toe oorspoel wanneer mense goed omgekrap daar aankom nadat die taxi hulle doelbewus op die pad geboelie het. Die polisie het al openlik erken dat hulle opgegee het met die taxis en baie polisiebeamptes taxis besit taxis wat beteken hulle gaan nie hulle self kortwiek en die verdomde goed skut nie. Hulle het telkens bewys dat hulle nie volgens beskaafde beginsels kan werk nie. Ek het al self gesien dat as die taxi bestuurder ‘n boete kry en dat hy die boete voor die konstabel opskeur, by die venster uitgooi en wegry. Maar dis wat jy kry as ‘n terroriste-organisasie die land in sy kloue het…

Winston ·

Sou julle nie dalk onder taxi wette wou leef nie? Hulle doen ten minste iets as hulle bestaan bedreig word. Vir hulle is dit beter en gouer om die kwessie intern op te los as om ons wonderlike regstelsel te gebruik en duidelik werk dit.Onder hulle is daar wet en orde. Maak nie saak hoe wreed nie.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.