Bloeddrukpil uit SA onttrek weens kanker-gevaar

Die Suid-Afrikaanse Gesondheidsprodukte-beheerraad (Sahpra) het ʼn pil vir hoë bloeddruk met onmiddellike effek van die mark onttrek.

Sahpra het gesê Dynaval Co 80/12,5 mg-tablette, Dynaval Co 160/12,5 mg-tablette en Dynaval Co 160/25 mg-tablette is met onmiddellike effek van die mark onttrek.

Volgens Sahpra is daar ʼn onsuiwerheid, N-nitrosodimethylamine (NDMA), in die aktiewe bestanddeel, valsartan, gevind.  Sahpra en ander regulatoriese agentskappe is nou besig om alle medisyne wat valsartan bevat en deur Zhejiang Huahai Pharmaceuticals in China vervaardig word, te hersien.

NDMA word geklassifiseer as ‘n karsinogeen wat, wanneer dit aan lewende weefsel blootgestel is, kanker kan veroorsaak. Sahpra het gesê die teenwoordigheid van NDMA is onverwags en is vermoedelik verwant aan veranderinge in die manier waarop die maatskappy valsartan vervaardig.

Volgens Sahpra is daar reeds aan gesondheidsorgverskaffers gekommunikeer dat die produk onttrek word terwyl die hersiening voortgaan.

Medisyne wat valsartan bevat word algemeen gebruik vir hoë bloeddruk om komplikasies soos ʼn hartaanval of beroerte te probeer verminder. Dit word ook voorgeskryf vir mense wat hartversaking het of wat onlangs ʼn hartaanval gehad het.

Sahpra het gesê nie alle medikasie wat valsartan bevat word onttrek nie. Mense wat wel die medisyne drink wat nou onttrek word, is aangeraai om dringend hul dokter of apteker te kontak, maar aan te hou om die medisyne te drink tot dit deur die dokter of apteker met ʼn ander produk vervang is.

Die toestande wat deur die medikasie behandel word, is ernstig en mense word gevolglik aangeraai om nie gebruik te staak voor dit met ʼn ander produk vervang is nie.

Mense word ook aangeraai om hul bloeddruk gereeld te toets indien hulle van medikasie verander.

Gesondheidsorgverskaffers wat newe-effekte wil rapporteer kan Sahpra kontak by 012 395 9133 of die National Adverse Drug Event Monitoring Centre by 021 4471618.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

17 Kommentare

jongste oudste gewildste
Wurmpie

Made in China.

Avra

Uiteindelik het Sahpra wakker geskrik. Vra al jare daarvoor

Vanessa Kilian

En as jou kind dit vir langer as’n jaar gebruik het? En vir jou se dit maak haar erger voel . Sukkel met erge ,erge hoofpyn as sy dit drink. Deur ‘n internis voorgeskryf. Omrede sy jonk is

Alida

Stuur sommer hulle klere saam.

Wilma

Hahaha. Made in China. Hukom gemors invoer van hulle. Daar seke weer n “comrade”n paar miljard gekry