Bloem-bejaarde wreed vermoor, tuinier vas

Argieffoto: Nico Strydom

Argieffoto: Nico Strydom

ʼn Bejaarde vrou van Bloemfontein se halfnaakte liggaam is Woensdag in plas bloed in haar huis in Gardeniapark gevind.

Kapt. Chaka Marope, woordvoerder van die Bloemfontein-polisie, het gesê die 86-jarige vrou se liggaam is omstreeks 17:00 deur haar buurvrou gevind.

“Die buurvrou het gaan ondersoek instel aangesien sy die slagoffer lanklaas gesien het,” het Marope gesê. “Sy het deur ʼn venster geloer en die slagoffer op haar rug op die vloer in haar slaapkamer sien lê.

Die polisie is dadelik in kennis gestel. Hulle het toegang tot die huis verkry deur die voordeur oop te breek. Die vrou is met erge hoofbeserings aangetref en daar word vermoed dat sy met ʼn stomp voorwerp aangerand is.

“Daar was bloedspatsels oral op die mure en die kamers is geplunder. Dit is in dié stadium nog nie bekend watter huishoudelike items tydens die aanval gesteel is nie.”

Die polisie ondersoek ʼn saak van moord. Die moontlikheid dat bykomende aanklagte van roof en verkragting by die dossier gevoeg kan word, is nie uitgesluit nie. “Die ondersoekspan wag vir die uitslae van ʼn nadoodse ondersoek om vas te stel of die vrou seksueel aangerand is of nie.”

Marope het gesê die vrou se 48-jarige tuinier is kort nadat haar liggaam gevind is, in hegtenis geneem. Dié man het in ʼn buitekamer op die perseel gewoon.

“Daar is tydens die speurders se voorlopige ondersoek bloed op die tuinier se keps gevind. Daar is ook bloed op komberse gevind waarvoor die man nie bevredigende redes oor kon verskaf nie,” het Marope gesê.

Die man is in hegtenis geneem op aanklag van moord. Hy sal na verwagting Vrydag in die Bloemfontein-landdroshof verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

32 Kommentare

jongste oudste gewildste
J.B.

Ja nee tuinwerkers is groot no no

m

Hierdie mense se wreedheid ken geen perke. Sterkte aan haar familie.

Piet Pompies

Siek, siek,siek….

Stem saam

Stem saam Christa, hul moet mob justice kry en dit deur eerlike huishulpe en tuiniers, want hulle haal die kos uit goeie eerlike mense se monde en verder verniel, verneder en vermoor hul goeie mense, hul arme kinders,

Braam

SKOKKEND! Ek self is ‘n inwoner in Gardenia Park, en hierdie soort berigte tref mens net soveel meer as mens so naby aan die gebeurtenis was. Mens dink altyd dit gebeur orals anders, maar in tussen gebeur dit maar net hier om die draai ook.

Ek bid vir die familie en vriende, en hoop regtig die skuldige word behoorlik aangekla en gestraf!