Bloem-dieretuin steeds gesluit, maar in goeie toestand

‘n Gemsbok is te sien in ‘n skoongemaakte hok (Foto: Verskaf)

Na ’n onlangse inspeksie by die Bloemfonteinse dieretuin deur die plaaslike Dierebeskermingsvereniging (DBV), is bevind dat die dieretuin tans in ’n goeie toestand is.

Dit volg na die dieretuin in Desember tydelik vir die publiek gesluit het.

Volgens Charmaine Engelbrecht, ’n inspekteur by die DBV, is die diere se hokke skoner as ooit tevore en is die diere goed versorg.

Die DBV besoek die dieretuin gereeld om te verseker die diere het genoeg kos en water en kry die nodige sorg. Met die laaste besoek verlede week was inspekteurs heel tevrede met die welstand van die diere, meen Engelbrecht.

Soos vroeër berig het die Vrystaatse departement van ekonomiese sake, kleinsake-ontwikkeling, toerisme en omgewingsake in Desember die dieretuin tydelik gesluit omdat die dieretuin versuim het om aan al die voorgeskrewe vereistes en voorwaardes te voldoen, soos uiteengesit deur die departement.

Bernie Naude en Nicole Viljoen, omroepers van die gemeenskapsradiostasie Radio Rosestad, het November verlede jaar hul kragte saamgespan om ’n petisie te begin om die Bloemfonteinse dieretuin se deure te sluit. Die petisie het binne 36 uur reeds 9 000 handtekeninge gekry.

Volgens Viljoen staan hulle tans op 18 081 handtekeninge en beoog hulle om die getekende petisie einde Januarie aan die Mangaung-metro te oorhandig.

Die dieretuin is steeds vir die publiek gesluit.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

9 Kommentare

aj ·

Wie gaan aanspreeklik gehou word vir die verwaarlosing, sluiting en finansiële verliese?

Wie word afgedank? … en vervolg?

Anders gaan dit maar net wéér gebeur!

Loeloe ·

As dit nou so mooi skoon en diere versorg is, maak die hekke weer oop

Skerpioen ·

Ek verstaan dat as die diere nie goed na gekyk word nie om eerder die dieretuin toe te maak, maar indien alles mooi skoon is en die diere is in n goeie toestand, hoekom nou toemaak? My dogtertjie is 5 jaar oud en sy love die dieretuin. Ons het nie geld om Kruger Wildtuin toe te gaan nie sodat sy diere in lewende lywe kan sien nie. En die Zoo-snooze…. ek kan nie wag om haar te vat nie…. en nou is daar 19 000 mense wat dit wil toemaak. Nog ‘n plekkie minder vir ons familie uitstappies. Bloemfontein raak nou n gaga plek om te bly.

Raai maar net... ·

Ek raai maar net… dat diégene, verantwoordelik vir die nalatigheid, nou GOED geskrik het! Hulle wéét, hulle word fyn dopgehou, word gemonitor NOU…hulle kán hul werk en inkomste, verloor! Dieretuin sal wéét, wié moet vasgevat word en wié die ‘skuldiges’ is! Ek glo nie, álmal was aspris of nalatig nie, ged die mense nog ñ laaste kans! BLY vir diere, se part… as dinge reggeruk word, want wáárhéén wyk mens nou uit, met diere, wat nié vanself, sal kán oorleef, ini natuur nie

Karl ·

Maak toe!! Dis verbasend dat aangehoue diere nog vir julle ” uitstappies” is. Diere hoort nie in hokke nie. Maak toe!!

Skerpioen ·

Ja ek maak lekker leersame en opvoedkundige uitstappies dieretuin toe. Dis nie vir my gesin ‘n braai en suip plek nie. Hier lees ons Bybel hoe God alles geskape het en vir mens opdrag gegee het om dier en aarde te versorg. Dan teken ons prentjies van die diere en leer hulle unieke aspekte… so probeer ek nog vir my dogtertjie leer hoe diere ruik en lyk. Maar dis baie hartseer dat die diere in die dieretuin so afgeskeep en verwaarloos was… dan stem ek eerder vir toemaak. En ek stem 100% saam met Raai maar net…

Loeloe ·

En waarheen gaan die diere? Kan nie in natuur geplaas word nie, of moet hulle in strate losgelaat word? Ander dieretuine is vol. Kry net die versorging op standaard en hou die plek skoon en netjies. Mense sal dan weer besoek.

Wit Willem ·

Dis nie waar nie. Ek was vandag daar, die dieretuin is nog glad nie skoon nie. Net so paar hokke en kampe is skoongemaak. Die res staan leeg en die vuilgoed groei hoër as die heinings. En mwer as helfte van die hokke staan leeg.

Hans Knop ·

Eke stem saam met Karl.
“Diere behoort Nie in Hokke Nie.
Dit is wreed en gemeen. Hulle het ook gevoelens….. ook al kan hulle misskien nie denk soos as ons mense…. ! ! !
Met huidige National Geographics Wild kan almaal meer sien en meer leer oor diere dan in enige Dieretuin.
Dis hoekom dat Diere Reservate soos die Kruger Nationale Park minder en minder besoekers kry….! ! !

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.