Bloem-man kritiek ná pitbull-aanval

Argieffoto ter illustrasie

Paramedici is Maandagmiddag omstreeks 13:00 na ʼn toneel in Bloemfontein ontbied waar ʼn persoon deur honde gebyt is.

“ʼn 35-jarige man is deur twee pitbullterriërs aangeval by ʼn perseel in Waverleyweg,” het Chris Botha, woordvoerder van Netcare 911, gesê. “Hy was in ʼn kritieke toestand toe paramedici by die toneel opgedaag het.”

Volgens Botha het die man erge gesigbeserings opgedoen en albei sy ore is afgeskeur. Hy het ook erge trauma aan sy linkerbeen en arm opgedoen.

“Paramedici het onverpoosd op die toneel gewerk om die man te stabiliseer voor hy na ʼn gespesialiseerde hospitaal geneem is vir verdere behandeling,” het hy bygevoeg.

Owerhede stel ondersoek in.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

33 Kommentare

jongste oudste gewildste
Marietjie

Ai, ek hoop nou nie dat die honde summier weer uitgesit moet word nie.
Dat die saak eers behoorlik ondersoek moet word!

Chris

n Pitbull val nie net aan nie. Iewers het iets verkeerd geloop.

??

“Aangeval by ‘n perseel” wat nie baie duidelik is. Was hy op die perseel of naby bedoelende in die straat?

Mauzi

Srem saam jou Marietjie…ondersoek asb die saak behoorlik. Honde is altyd onskuldig,geen hond word aggressief gebore nie. Hulle word dit aangeleer deur mense,daarby kry jy eienaars wat nie hulle perseel van so aard beveilig nie en die honde loop dan rond. Voel werklik jammer oor die man se afskuwelike beserings,maar ondersoek net wat hier gebeur het.

Carl

Ek en my hond het verlede week heel rustig in die straat gestap en is aangeval deur n pitbull. Hy het van agter gekom en amper my hond verskeur. Ek was gelukkig reg vir ander potensiele aanvallers en kon die aanval suksesvol afweer. Is nie n mooi gesig om so n hond in aanvals mode te beleef nie. Ek is n groot honde liefhebber maar ek dink nie ons moet pitbulls in SA toelaat nie.