Blou Bul-speler vas op seksklag

ʼn Jong Blou Bul-speler is op aanklag van seksuele aanranding in hegtenis geneem.

Die Blou Bulle Maatskappy (BBM) het in ʼn kort verklaring die inhegtenisneming van die jong losvoorspeler bevestig. “Ons is nie tans in die posisie om enige kommentaar te lewer nie en sal nog ʼn verklaring uitreik sodra die reg sy gang gegaan het.”

Die speler het verlede seisoen vir die Bulle se 0.19’s gespeel.

Die BBM het enige verdere navrae na die speler se regsverteenwoordiger verwys. Volgens die regsverteenwoordiger het sy kliënt Dinsdag in die hof verskyn en is die saak tot 8 Januarie uitgestel wanneer hy na verwagting om borgtog sal aansoek doen. Dit was nie onmiddellik duidelik wanneer hy in hegtenis geneem is nie.

Die speler se naam mag volgens wet nie genoem word nie weens die aard van die aanklagte en omdat hy nog nie op die aanklagte gepleit het nie.
Maroela Media verneem die klaer is ʼn 18-jarige meisie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

15 Kommentare

jongste oudste gewildste
Danie

Hoop dit is ‘n klag wat water drae en nie net ‘n 18-jarige wat sensasie sonder bewyse soek nie. Dit kan ‘n baie nare ding word as enige iemand enige ander persoon van seksuele misdrywe kan aankla sonder enige gronde.

Mags Schimper

Elke storie het 2 kante. Ek weet van te veel vals klagtes om die storie net te aanvaar. Byt vas seun…so ook die mense na aan jou. Die waarheid sal seevier.

lollie

Hy moet sy straf kry as hy skuldig is. Daar is egter baie meisies wie jong mans (en ouer mans) se lewens verwoes met ongegronde aantygings en dan kom hulle daarmee weg. In laasgenoemde gevalle moet die meisies swaar gestraf word, dis ‘n baie ernstige oortreding.

$

Verstommend dat soveel kommentators reeds die man die voordeel van die twyfel gee sonder enige verdere feite en bespiegel dat die meisie nie verwerping kon hanteer nie, moontlik gesoek het daarvoor (Delilla) ens. Geen wonder dat meisies/vrouens nie seksuele klagtes wil lê nie want hulle self word onmiddellik verdink daarvan dat hulle jok of aanleiding gegee het daartoe. Daar is géén feite oor die voorval self gegee nie en tog soveel kommentare oor die klaagster. Dit is so hartseer – bly eerder stil totdat feite bekend gemaak is en lewer dán kommentaar.

Bloubul epidemie

Ja nee, lyk my daars ‘n klomp vrot appels by die Blou koei unie…