Bloutrein-dienste tydelik gestaak

Die Bloutrein. (Foto: The Blue Train/Facebook)

Transnet het Maandag die bedrywighede van sy luukse Bloutrein vir ʼn onbepaalde tyd opgeskort weens kommer oor die veiligheid van die diens.

Dit volg nadat ʼn brand verlede week op die trein by die maatskappy se fasiliteit in Koedoespoort in Gauteng uitgebreek het. Die trein is hierheen geneem vir herstelwerk nadat dit ontspoor het.

Die oorsaak van die brand en wie daarby betrokke was, is nog nie bekend gemaak nie. Die ondersoek na die ontsporing sal ook eersdaags afgehandel word.

Ayanda Shezi, woordvoerder van Transnet, het Maandag aan Maroela Media bevestig dat die Bloutrein se bedrywighede na aanleiding van die onlangse voorvalle tydelik opgeskort is.

Dit is egter net as ʼn voorsorgmaatreël gedoen terwyl die trein ʼn deeglike tegniese ondersoek ondergaan.

“Die hoop is dat die ondersoek so gou moontlik afgehandel sal word, waarna die trein weer in diens sal wees,” sê Shezi.

“Die veiligheid van ons gaste en bemanning aan boord van die Bloutrein bly ʼn topprioriteit en ons wil dit nie dit in gedrang bring nie.”

Transnet het lede van die publiek wat reise op die trein bespreek het, om verskoning gevra vir die ongerief.

“Ons sien wel daarna uit om binnekort weer ons wêreldklas diens aan die publiek te bied.”

ʼn Kaartjie op dié luukse trein kan jou nou tussen R23 000 en R36 000 uit die sak jaag.

Ten spyte van Transnet se pogings is die vervoervakbond Untu steeds bekommerd oor die string voorvalle wat die afgelope tyd by die staatsbeheerde entiteit plaasgevind het.

“Transnet het die afgelope twee jaar ongekende misdaad en sabotasie van sy infrastruktuur in al sy operasionele afdelings ervaar,” het John Pereira, waarnemende hoofsekretaris van Untu, gesê.

“Dit het dié staatsonderneming, wat voorheen finansieel volhoubaar was, in ’n kontantvloeikrisis gedompel.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

8 Kommentare

Swerwer ·

Almal weet by die tyd dat jy nie jou lewe meer op ‘n trein kan waag nie. Die luukse trein, goedere trein,passasierstrein, om die waarheid te sê, met geen openbare publieke vervoer nie.

JohanR ·

Het die ANC ook nou finaal die Blou Trein ook die nek slag in gedien? Kan nie dink dit sal ooit met die Orient Express gebeur, of met die Channel Tonnel. The most popular Orient Express route starts in London and takes you through Paris to Verona or Venice, but you can also leave from Venice with destinations of Prague, Vienna and Budapest and back to Paris or London. Once a year, the train travels from London to Berlin and back, Kan nie eers die Orient Express gaan vang nie want die rand is te useless! Vandag R20.43c vir een pond.

Waarnemer ·

Baie jare gelede….toe ons land nog n trotse land was en ons spoornetwerk van die beste ter wereld was….so teen die laat sestigs/sewentigs kon mens dieselfde wereldklas diens wat op die blou trein teen tussen R23000.00 en R36000.00 is, met n VRYPAS kry op die trans karoo en die trans oranje(ook bekend as die oranje snel as ek reg onthou).Vanaf Johannesburg stasie na Durban of Kaapstad kon jy in die eetsalon gaan eet,vyf ster behandeling en vyfster etes,ontbyt-middag en aandetes.Die “bedding boys”was manne wat hulle beroep met trots en grasie uitgevoer het sodat jy snags in n gemaklike bed onder skoon lwit lakens en blou komberse kon slaap.Daar was hierdie klein botteltjies alkoholiese verversings vir die grootmense en yskoue coke of fanta vir ons kinders.Die kelners en “bedding boys” in hulle netjiese uniforms en die kondukteur met sy sleutel wat ratel teen die deur “tickets please” of die ding dong van die kelner wat in die gang af stap en etens tye aankondig.Those were the days!!!

Nico ·

Dan vlieg ek, dubbele retoer kaartjie Duitsland toe en terug is 1099 EUR = R18.799.33. Betaal nie soveel vir ‘n treinrit nie.

Elmarie ·

Die blou trein is so ikoniese deel van ons toerisme. En kyk nou…Ja, dit is duur, maar as mense die geld het hoekom nie, ek het al baie buitelanders daarop bespreek jare gelede toe dit nog tops was. Dit bring geld in (verskaf dus ook werk) vir die toerismebedryf maar ja, BEE en al daai goed verwoes alles. Onbevoegde werkers, swak onderhoud…baie sleg.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.