Bobby van Jaarsveld in die hospitaal ná ‘n operasie aan sy stembande (Foto: Twitter)
Bobby van Jaarsveld gaan nie meer optree in vanjaar se Afrikaans is Groot-konserte nie.
Dié gewilde Afrikaanse sanger het die nuus Saterdag op Facebook aangekondig.
“Ek moet iets met julle deel wat ek werklik gehoop het nie nodig sou wees nie. Ek is reeds vir ʼn paar maande op stemrus en het bly hoop en glo dat ek teen hierdie tyd gereed sou wees om op die Afrikaans is Groot-verhoog te kan wees in November,” het hy geskryf.
“Ek is nog nie 100% reg nie en daarom het ek geen ander keuse as om vanjaar AiG mis te loop nie. Dit is onsettend hartseer vir my, juis omdat ek by elke jaar betrokke was, maar ek glo werklik dat my ondersteuners sal verstaan.”
Van Jaarsveld het die afgelope jare verskeie operasies aan sy stembande ondergaan nadat hy in 2016 poliepe op sy stembande laat verwyder het.
Van Jaarsveld sê op Facebook hy is geweldig dankbaar vir die volgehoue steun en onderskraging van die AiG-vervaardigers en sien werklik uit om terug te wees in 2020.
“Geniet elke oomblik van die konserte. Wie weet? Dalk sit ek nog langs jou by een van die konserte.”
Talle aanhangers het hul teleurstelling uitgespreek en gesê hulle hoop hy herstel vinnig.
Sterkte Bobby!!
Baie sterkte Bobby, ek hoop jy word vinnig gesond.
Bobby Sterkte our Seun hoop jy herstel volkome
Gesondheid voor gewildheid. Bobby jy het die regte besluit gemaak. Jou goue stem sal gemis word, mis jou eerder een konsert as permanent. Sterkte ou maat, spoedige herstel.
Hy en sy sussie kan maar groot asb van die aard bol af verdwyn.
J ek lag so lekker vir jou!
Bobby, Mag die Gees van God se Hand jou lei tot volume beterskap. Baie Blessings & Sterkte vir jou gesin in jou gesondword proses. God se Genade is Elke Dag Groot.
Bobby Sterkte ou seun hoop jy herstel volkome