Boer (70) op plaas vermoor, aan voertuig vasgebind

(Argieffoto: Lorraine Claasen)

’n 70-jarige boer se liggaam is Maandag op sy plaas in die omgewing van Ogies in Mpumalanga gevind waar hy aan ’n voertuig vasgebind is.

Bertus Steenberg het alleen op die plaas Leeuwpoort gewoon.

Brig. Leonard Hlathi, woordvoerder van die polisie, sê Steenberg se familie het bekommerd geraak nadat hulle hom na verskeie pogings nie per selfoon in die hande kon kry nie. Hulle het Donderdagaand laas van hom gehoor en Maandag omstreeks 07:00 sy bure gevra om na hom te gaan soek.

Die plaashuis was by die bure se aankoms omgekeer. Steenberg se liggaam was aan een van sy voertuie op die erf met ’n nylontou vasgebind. Sy hande en voete was ook vasgebind.

Hlathi sê Steenberg is vermoedelik met dieselfde nylontou en ’n hemp verwurg. Hy was ook aangerand en het beserings aan sy kop en gesig gehad.

Steenberg se wit Toyota Hilux- bakkie met die registrasienommer JWC 645 MP en twee selfone word vermis.

Die polisie doen ’n beroep op die publiek om enige inligting rakende die moord by sers. Aubrey Nkosana Khoza by 082 6041339 of die Misdaadstopnommer by 0860010111 aan te meld.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

24 Kommentare

jongste oudste gewildste
Hydi

Siek!!!!! Ons lewe is oorgegee aan ‘n siek regering en siek landsgenote!!!!

Jack

Nee wat.Ons leef in staat van geweld en oorlog.Jy maak nie jou oë toe in die aand as jy nie ‘n wapen langs jou het nie en of ‘n familie lid wat wagstaan en wakker is vir enige beweging,geluid ens.Voor die eerste skoot klap moet jy al weet waar die vyand is en gereed wees om eerste te kan skiet.

Tiptol

Ons boere word vermoor op die wreedste maniere en die oortreders word nie gevang nie. Was dit wit wat swart vermoor het, was die EFF en ANC betogers daar.

Ralph

Hoe lank nog? Hoeveel nog?
Net nog een vir die statistieke.

Misky

Ons oë moet oopgaan en so ook die regering s`n. Hierdie mense is nie honger of net werkloos nie. Dis haat en wraak as ons sò uitgemoor word. Daar is oorlog teen ons verklaar en hulle is lankal besig, net ons wat nog slaap en aan grashalms vasklou. Sterkte aan die familie en rus in vrede oom