Boer baklei terug tydens plaasaanval

Argieffoto

Argieffoto

Vier verdagtes is in hegtenis geneem ná ʼn plaasaanval vroeg Maandagoggend op ʼn plaas in Brandfort in die Vrystaat.

“ʼn 70-jarige boer was in sy motor op Palmietfontein-plaas toe ʼn verdagte skielik teen die ruit geklop en ʼn vuurwapen te voorskyn gebring het,” het sers. Ikobeng Hlubi, woordvoerder van die polisie, gesê. “Die boer kon deur die passasiersdeur ontsnap en het op die verdagtes geskiet.”

Een van die verdagtes is in die rug getref.

“Die polisie is na die toneel ontbied en hulle het vier verdagtes, tussen 26 en 40 jaar oud, in hegtenis geneem. Die beseerde verdagte het op pad na die hospitaal beswyk.”

Hlubi het gesê die vier verdagtes sal binnekort in die hof verskyn op aanklag van poging tot moord en roof met verswarende omstandighede.

Die polisie het ʼn saak van moord oopgemaak om die afsterwe van die 31-jarige verdagte te ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

29 Kommentare

jongste oudste gewildste
Rens Roodt

Hoop regtig hulle het die verdagte se vuurwapen gekry – so nie probleme vir die boer – 3 teen 1 – sterkte aan die boer – mag Vader jou bewaar en jou help om hierdie saak te wen

Koos

Mooi ek se altyd lankal ons moet terug baklei,en die moord ondersoek is standaard prosedure wanneer iemand dood is niks om oor opgewonde te raak nie

Wat-ek-lees

Weereens ‘n bewys dat die boer paraat was.

Joann

Onthou dit was n boer,was dit anders om kon mens weet daar sal niks van kom nie.

Elna Kupke

In Suid-Afrika bestaan daar NIE ‘N DING SOOS SELFVERDEDIGING NIE! SUID AFRIKA SE KOMMUNISTIESE REGERING IS NET DAAR VIR DIE KRIMINEEL EN OM DIE KRIMINEEL TE BESKERM – EN OM “GE-BRIBE” TE WORD!!!