Boer doodgeskiet, vrou beseer in KZN plaasaanval

plaasaanvalle

Argieffoto: SAPD

ʼn Boer (53) is vroeg Vrydagoggend op sy plaas doodgeskiet en sy vrou is ernstig beseer.

Lt. Kol. Thulani Zwane, woordvoerder van die polisie, het aan Maroela Media gesê die aanval het omstreeks 02:00 plaasgevind op die Glower-plaas in Thornville, KwaZulu-Natal.

“Die man is met skerp voorwerpe gesteek en daarna doodgeskiet,” het Zwane gesê. Die vrou het ook ernstige steekwonde opgedoen en is na die hospitaal geneem vir verdere mediese behandeling.

ʼn Onbekende aantal vuurwapens is tydens die aanval gesteel. Die Thornville polisie ondersoek ʼn saak van moord en poging tot moord. Geen verdagtes is nog in hegtenis geneem nie.

Die polisie het enigiemand met inligting oor die voorval gevra om dit aan te meld by 08600 10111.

Maroela Media het vroeër berig ʼn man in sy laat 40’s is Donderdagmiddag laat op die plaas Millview naby Shakaskraal in KwaZulu-Natal geskiet. Zwane het gesê ʼn saak van poging tot moord word deur die Umhlali-polisie ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

16 Kommentare

jongste oudste gewildste
Charmaine Coetzee

Nog n syfer bygevoeg tot plaasmoorde R.I.V sterkte aan die vroutjie word gou gesond !!!!!!

Aii

Sterkte! Natuurlik is daar “geen verdagtes in hegtenis geneem nie”. Dis altyd die geval, daar word niks gedoen om die misdadigers te vang nie.

Janet

Hoeveel nou nog. Dammit doen iets

Ange

Gaan so aanhou totdat daar nie meer een boer oor is nie. Ons gowerment sit agter dit, hulle doen presies wat Mugabe doen hulle verkondig dit net nie.

Jantoet

Mens noem dit grondhervorming, Afrika styl. Tyd dat julle wakker skrik.