ʼn Boer (38) van die Fouriesburg-omgewing in die Vrystaat is in hegtenis geneem nadat sy glo gehelp het om gesteelde en gekaapte voertuie oor die Lesotho-grens te smokkel.
Lt.kol. Philani Nkwalase, woordvoerder van die Valke, sê die boer het na bewering ʼn deurgang tussen haar plaas en die Lesotho-grens geskep waar gekaapte en gesteelde voertuie van Suid-Afrika na Lesotho gesmokkel kon word. Onwettige immigrante het glo dié boer ook genader om hulle te help om tussen Suid-Afrika en Lesotho te beweeg.
“Lede van die Valke het die boer genader en voorgegee dat hulle haar hulp nodig het om die grens oor te steek. Sy het ingestem en R1 000 geëis om hulle met ʼn gesteelde voertuig oor die grens te stuur,” sê Nkwalase.
“Die geld is betaal en die boer, sowel as ʼn 28-jarige buitelander, is in hegtenis geneem.”
Die twee beskuldigdes sal na verwagting Maandag in die landdroshof op Fouriesburg verskyn op aanklagte van korrupsie. Die buitelander staan ook tereg op aanklag van die oortreding van die Immigrasiewet.
“Die verdagtes kan moontlik aan ander ernstige sake verbind word. Die ondersoek duur intussen voort.”
Disgraceful.
Farmers fight to survive and this one think she is queen of timbatoo.
Does she have a name?
Agreed. Disgusting behaviour. New kind of “farming”- cars !
No Name Brand.
dit ook nog
dit was sekerlik makliker om so geld te verdien as te “boer”, verraaier wat jouself “boer” noem, hoop die sel waarin hulle jou gaan druk, se slot en handvatsel breek die oomblik as jy in is
Wel, ‘n boer maak ‘n plan!
Lekker lag ek nou vir jou grappie tussen al die slegte nuus. Baie skerp.
Dis hulle wat SA so hel maak.,maar wat gaan aan met die mense.
As haar van vd Merwe of Venter was, was die EFF al by die hof. En ook, wat het sy geboer? As jy op n plaas bly met n hond, 10 hoeders, n bok en n koei beteken dit nie jy is n boer nie.
Laat haar en medebeskuldigdes die volle krag van die reg ervaar!
Deesdae nie juis iets om voor te skrik nie . . .
Johnny, ek stem nie heeltemal saam jou nie. Dit hang natuurlik af wie die regter is.
..en wie die beskuldigde is.
Verskaf haar naam .
Ons wil weet wat haar naam is?
Hoekom nie hulle name bekend maak nie?
Selfde gedink. Hoekom geen naam van die boer nie
Kommin sense. Die boer(in) is nog nie skuldig bevind nie, moontlik nog nie eens aangekla nie.,
Misky, volgens die hof se reels mag die beskuldigdes se name nie bekend gemaak word totdat hulle gepleit het nie.
Opkommende boer?
Lyk meer na ‘n afgaande boer.
Afganende boer.
Sy is die naam Boer nie werd met die optrede nie, veskaf asb meer inligting, wie is sy, waar en waarmee boer sy, ens, onthou ons speaker is ook n boer wat diere mishandel het!!!
Verseker nie n Boer. Seker net n grond eienaar
Wel ek noem haar nie boer maar wel verraaier en skelm. Asof SA nie reeds genoeg probleme het nie.
Ons president is ook ń “boer”.
Uiters groot verskil tussen ‘n Boer en ‘n boer.
Voertuigeienaars word maklik geskiet tydens voertuigkapings so sy is ook medepligtig aan moord.
Sy is beslis nie die woord boer werd nie so laat ons n naam kry asb sodra sy verskyn het.
Skaam vir jou!!!!!!
Sluit toe en vat die plaas af.
Hierdie “boer” is ‘n burger van Lesotho wat met ‘n SAner getroud was, wat 4 maande gelede dood is, en toe die plaas geerf het.