Boer in hof ná hy glo teen werker se huis vasry

Argieffoto

ʼn Boer van die Mosselbaai-omgewing in die Wes-Kaap sal Woensdag in die plaaslike landdroshof verskyn op aanklagte van onder meer poging tot moord nadat hy glo opsetlik teen ʼn plaaswerker se huis vasgery het.

Kapt. Malcolm Pojie, woordvoerder van die polisie, het gesê die voorval het verlede Sondag plaasgevind.

Volgens Pojie is die werker glo al in Desember afgedank, maar het geweier om pad te gee van die plaas af. ʼn Onderonsie het tussen die werker en die boer ontstaan wat daartoe gelei het dat die boer glo met ʼn trekker teen die muur van die werker se huis vasgery het.

“Die huis is nie platgery of omgery nie, net die muur is getref. Daar het na bewering van die bakstene van die muur op die werker beland en hy is gering beseer,” het Pojie gesê.

Die boer is eers Sondagmiddag in hegtenis geneem.

Hy sal verskyn op aanklagte van poging tot moord, aanranding met die doel om ernstig te beseer, opsetlike saakbeskadiging en die besit van ʼn onwettige vuurwapen en ammunisie.

Die wapen is tydens sy inhegtenisneming in sy besit gevind.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

47 Kommentare

jongste oudste gewildste
SjN

Die berig meld dat dit Sondag gebeur het en dat die boer eers die Sondag middag in hegtenis geneem is. Was dit dus n week later . Het hy borg gekry? Wat soek die man nog daar as hy reeds in Desember afgedank is, die huis is mos dan die plaaseienaar se eiendom en word dus onwettig beset, is dit dan nie betreding nie, hier gaan weer n rasse storie van gemaak word. Die wet beskerm die krimineel.

Willie

Ja nee nou gaan die klagtes ophoop.. Saak beskadiging? Huh? Dis die boer se gebou? Dis tyd dat die boere meganiseer soos nooit te vore, en minder op die werkers staatmaak…

Toekie

Aaai aaai!! Desember afgedank! Wyer om te trek? Wie is wat hier? Help my asb. Reg??

Hanna

Poging tot moord? Maar net geringe beseerings …Saakbeskadiging maar dis nie op sy eiendom nie. ..hoe werk die wet? Sal nie verbaas wees as hier ook n tronk vonnis opgele word nie ?

Alida

As hy nie wil hoor nie? Hy is mos afgedank en aangese om pad te gee.