Boer kritiek ná tweede plaasaanval

’n Boer van Beestekraal naby Brits is tydens ’n plaasaanval in die bors en rug geskiet. (Argieffoto: Maroela MediaUittreksel: Die slagoffer is in die bors en rug geskiet.

“Plaasaanval by Xaxaba Game Ranch. Ek is twee keer raakgeskiet. Reaksie op pad, asseblief. Ek is by my stoor.”

Só het ’n 43-jarige boer in ’n stemboodskap op veiligheidsgroepe om hulp gepleit nadat hy Woensdagaand deur twee onbekende mans op sy plaas in Beestekraal, naby Brits in Noordwes, aangeval en geskiet is.

Kol. Adéle Myburgh, polisiewoordvoerder, het die voorval bevestig en gesê die slagoffer is in die bors en rug geskiet.

“Die boer, wat self ook gewapen was, het teruggevuur waarna die aanvallers gevlug het sonder om iets te steel,” het Myburgh gesê.

Die voorval het om 19:00 plaasgevind terwyl hy by sy stoor, sowat 800 m van die huis af, besig was.

“Twee verdagte mans het die boer genader en dadelik begin skiet,” het Myburgh gesê.

“’n Naburige boer het die slagoffer te hulp gesnel waarna hy per helikopter na ’n hospitaal in Johannesburg geneem is.”

Volgens Marius Müller, nasionale operasionele koördineerder van AfriForum, het die slagoffer reeds operasies ondergaan en is tans in ’n kritieke toestand in die Milpark-hospitaal.

“Niemand is nog in verband met die voorval in hegtenis geneem nie,” sê Myburgh.

Maroela Media het voorts verneem dat dit nie die eerste keer is dat dié boer deur plaasaanvallers geteiken word nie.

In ’n WhatsApp-boodskap wat op veiligheidsgroepe gedeel is, het die slagoffer se broer bevestig dat hy vroeër vanjaar deur vier verdagtes by sy plaashek aangeval is. Luidens dié boodskap het aanvallers op hom geskiet en gevlug nadat die boer teruggevuur het.

Hy is nie tydens dié voorval beseer nie.

“Ons familie wil graag ons opregte dank uitspreek aan al die betrokke partye op die toneel, asook al die gebede. Hy gaan dit baie nodig hê in die volgende paar ure, dae en weke,” het sy broer op die groep gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

22 Kommentare

gatgogga ·

Cele kry sy instruksies van Ramaphosa, en laasgenoemde se daar is nie plaasaanvalle nie.

Skyspy007 ·

Stap jy voor Werner…..ons almal volg jou, indien jy iets kan regkry. Ek het klaar 45 jaar terug voor gestap in die bos oorlog. NIKS meer voor stap vir my nie!!!!!!!!

SomeOne ·

stem saam “skyspy007” die voorloop het my gebreek, my gemaak om nou 22uur per dag op of in ‘n bed deurbring

Misky ·

Boere is nou die kroonwild van SA.

Wanneer gaan ons sê genoeg is genoeg en daadwerklik optree?

Hoekom ·

Die ANC voel vir ons niks en dus moet ons ‘n veer voel vir hulle wette…

JM ·

En as ons wakker geskrik het, Pieter, wat moet ons dan doen? Ons boere hét lankal wakker geskrik, hulself bewapen, maar die vervloekte lafaards/moordenaars kom nooit een tot een nie; as jy weerstand bied, hardloop hulle weg. Cyril sê nooit ‘n woord daaroor nie. Suid-Afrika: net nog ‘n korrupte Afrikaland.

Pieter ·

JM ons boere sit kos op ouer people se tafel die boere het baie meer mag as wat hulle dink. Gaan kyk hoe het die duitse boere saam gestaan dit is hoe ons dit moet doen. Ons praat en dreig net dit is ons probleem. Ons blankes kon nog nooit saam staan nie. Ons wil onderhandel met terroriste en kommuniste dit is die probleem

gatgogga ·

JM, hoekom sal hulle dan nou een tot een kom? Die statistiek is mos twintig teen een.

Aai ·

Kom Ramaphosa tree op teen jou mense jy nou besig met die korruptes.Dit is nou tyd dat hulle val.

Buks ·

Hys n held Boer. Maar lyk of iemand uit is om hom te kry. Elke keer skiet hulle op hom.

Estelle ·

Ramaphosa, ek daag jou uit om die polisie lede te laat gaan wat jou plaas oppas. Lede wie se salaris ons, die belasting betaler, asook ons boere wat so vermoor word, voor betaal. En kyk of jy dan nog so lekker op jou plaas bly!!!Jy is ook nie baie gewild in jou eie party nie. Ten minste sal jy dan verstaan wat ons boere deurgaan.

Wakkerslaper ·

Landelike en stedelike terreur sal eenvoudig voortgaan todat ons as Volk opstaan, rug styf maak, onsself organiseer, bewapen, mobiliseer en aktief begin terug veg…. of dit OOIT gaan gebeur weet ek nie….

Blikke ·

Sal ongelukkig nie sommer gebeur nie….te veel wat vashou aan aardse besittings en dit eerste stel.

Anna-marie ·

Hulle voel vir die boere net soveel as wat hulle vir die werklose blanke ingeneurs voel. NIKS.

Genis ·

Mense asb wees more jul nommers by die parlement…optog teen plaas moorde…asb….

Althes ·

Is die EFF ook oppad om ondersteuning aan die arme boer te bied? Dis dan nou die aanvallers wat eerste aangeval het.
Sterkte ek bid jy sal gou ten volle gesond raak.

Samuel ·

Hoelank gaan hierdie sinnelose geweld nog voortduur? Ons boere word openlik geteiken en vir wat?? Is Hoedman al oppad? Sterkte aan die familie van die boer.

Dries ·

Indien hy een van die aanvallers raak geskiet het, was hy nou onder polisie bewaking in die hospitaal.

Danie ·

Aanvallers, rowers, motorkapers skiet al lankal voordat hulle begin praat.
Daar is medisyne daarvoor.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.