Boer op Coligny-plaas vermoor

Argieffoto: Verskaf

ʼn 67-jarige boer is deur die loop van Dinsdagnag op sy plaas in die Coligny-omgewing in Noordwes vermoor.

Sers. Kelebogile Moleko, provinsiale polisiewoordvoerder van Noordwes, het Woensdag aan Maroela Media gesê die Coligny-polisie is omstreeks 09:00 na die boer se plaas ontbied.

“Werkers het gesien die boer se glasskuifdeur staan oop en het gaan ondersoek instel. Hulle het op die man afgekom waar hy in ʼn plas bloed op die grond gelê het. Dit wil voorkom of hy met ʼn skerp voorwerp agter sy kop geslaan is,” het Moleko gesê. Die werkers het die polisie ontbied.

Dit is in die stadium nie bekend hoeveel verdagtes by die voorval betrokke was nie.

Sover vasgestel kan word, het die verdagtes met drie vuurwapens van die toneel gevlug. Dit is nog nie duidelik of daar nog items tydens die voorval geroof is nie.

Volgens Moleko wil dit voorkom of die man alleen gebly het.

Die polisie ondersoek ʼn saak van moord en huisroof. Niemand is nog in verband met die voorval in hegtenis geneem nie.

Die oorledene se naam is aan Maroela Media bekend, maar word weerhou aangesien dit nog nie duidelik is of al sy naasbestaandes al van sy dood in kennis gestel is nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

41 Kommentare

jongste oudste gewildste
Pieter

Gaan die gemeenskap die keer ook betoog?

Ella

Perfek gese…

liz

Hoekom nog die mense vermoor hulle kan mos nou net vat wat nie aan hulle behoort nie.

Michael

Wie sit agter die plaasmoorde? dit is baie snaaks dat daar net mooi niks aan dit gedoen word nie. Het plaas moorde dan nou n sport soort geword? Erens gaan n BOM bars.

Bekommerde leser

Wie is die persoon wat dood is.