Boer op plaas geskiet; vrou skrik verdagte af

Argieffoto: Reint Dykema

Argieffoto: Reint Dykema

ʼn Boer is Saterdagmiddag op sy plaas buite Bela-Bela (Warmbad) in Limpopo geskiet.

Lt.kol. Malesela Ledwaba, woordvoerder van die polisie, het aan Maroela Media gesê die 69-jarige boer was omstreeks 13:00 buite besig om ʼn pyp te herstel, toe hy deur ʼn gewapende verdagte oorval is.

“Hy het geskree en sy vrou het gesien wat gebeur. Nog ʼn gewapende verdagte het te voorskyn gekom, maar hy het gesien die vrou het ʼn vuurwapen by haar, waarna hy gevlug het.” Volgens Ledwaba was die man en die ander verdagte intussen steeds in ʼn struweling en die boer is in sy skouer geskiet.

Die ander verdagte het toe ook van die toneel gevlug. Net ʼn selfoon is tydens die aanval gesteel. Die boer is intussen in die hospitaal opgeneem. Volgens Ledwaba is dit nog nie duidelik of die verdagte dalk aan die boer bekend was nie en sal dit deel vorm van die ondersoek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

28 Kommentare

jongste oudste gewildste
Sarie

Word eers gevra of hy aan die boer bekend is sodat hulle ‘n loongeskil kan voorhou. Miskien moet die name van mense wat vermoor word se name elke maand op die voorblaaie van koerante verskyn. Dit kan in kategorieë geplaas word, nl. plaasmoorde, bendegeweld, kapings, huisbrake sodat die res van die land kan sien wat aangaan.

HENNA

Hoop u herstel vinnig. En ZUMA dans…..

Winston

Al weer n aanval…weer seker n loongeskil. Gelukkig net gewond. Mevrou vir jou en jou man sterkte. Julle was gereed soos ons almal moet wees.

Manie

Nou waar is die Valke nou om die mense te intimideer en te beskuldig?
Intussen Dans Zuma die riel maar ek is bevrees dit gaan nie werk skep nie.

Nita

Ag ja nou wat nou. Net nog n plaasaanval. So what? Who cares? Hou by die plan. Maai die boere af steel n paar goed en noem dit n rooftog. Dan is dit nie blatante volksmoord nie.