Boer skiet verdagtes in sy huis

Argieffoto

Argieffoto

ʼn Boer van Schweizer-Reneke in Noordwes het Woensdagoggend op vier mans losgebrand nadat hulle op sy plaas oortree en sy skoonma met ʼn vuurwapen aangehou het.

Brig. Thulani Ngubane, woordvoerder van die polisie, sê die vier mans het vroegoggend in ʼn swart Nissan Navara-bakkie by die plaas in Amalia aangekom. Hulle het aan die man se skoonma, wat buite die huis was, gesê hulle wil skape koop.

Hy sê drie van die mans is in die huis in terwyl die ander man ʼn vuurwapen te voorskyn gebring en die skoonma ook in die huis in gedwing het.

Volgens Ngubane het die boer die mans in die huis betrap en sy eie vuurwapen uitgepluk en op hulle losgebrand. Hy het een van die mans in die bors geskiet en die ander een in die gesig.

Die verdagtes het met die Nissan Navara-bakkie gevlug. Lede van die gemeenskap is in kennis gestel en boere het die verdagtes agternagesit.

Die verdagtes het kort voor Schweizer-Reneke langs die pad stilgehou en te voet gevlug. Die polisie het die twee gewonde verdagtes in hegtenis geneem, maar die ander twee verdagtes het ontsnap.

Ngubane sê die gewonde verdagtes is na ʼn plaaslike hospitaal geneem waar hulle onder polisiebewaking behandeling ontvang.

Die verdagtes, onderskeidelik 34 en 38 jaar oud, sal binnekort in die Schweizer-Reneke-landdroshof verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

25 Kommentare

jongste oudste gewildste
pieter

Mooi so boere moet nie toelaat dat julle verder uit gemoor word nie. Skiet die indringers voordat hulle julle uitmoor op die plase. Geluk oeie werk genoeg is genoeg. Hulle wil ons wit mense uitmoor en nou moet ons opstaan en terug skiet anders is dit jy.

HEVW

Daar was paraatheid.tydens die aanval. Die boer se wapen ter selfverdediging was moontlik aan sy lyf en nie in n geslote brandkluis reeds met die sleutels in die hande van die aanvallers nie. Die gemeenskap was betrokke. Wanneer paraatheid n gemeenskapsaak geword het,bereik ons n hoer vlak van doeltreffendheid.Dit boesem vrees in en ontmoedig misdaad. Dit moet egter op n meer georganiseerde basis geskied. Dit kweek ook n gees van gee om vir mekaar wat baie belangrik is vir die saamstaan en samesyn van n volk.

martie van graan

Sterkte aan die tannie, en ek hoop hulle het nou geskrik en gesien wat kan gebeur. Sterkte aan die boer, hoop daar is nou n les vir die ander.

wiillie senni

Mooi man!, jammer ander 2 kroeks het weg gekom

dana conradie

Mooi so dit kon weer baie lelik geword as die boer nie betyds op gedaag het nie, dankbaar dit het goed afgeloop.