‘Boer soek ʼn Vrou’-deelnemer in hegtenis geneem

Boer Toanette is een van die boere wat te sien is in die elfde reeks van Boer soek ʼn Vrou. (Foto: Verskaf deur kykNET)

Boer Toanette is een van die boere wat te sien is in die elfde reeks van Boer soek ʼn Vrou. (Foto: Verskaf deur kykNET)

Toanette Els, ʼn 23-jarige wildboer van Modimolle in Limpopo, is Vrydag op aanklagte van bedrog in hegtenis geneem.

Els is vroeër vanjaar aangewys is as een van die top-10-boere wat deelneem aan die jongste seisoen van die kykNET-realiteitsreeks Boer soek ʼn Vrou.

Brig. Motlafela Mojapelo, polisiewoordvoerder van Limpopo, het aan Maroela Media bevestig dat Els Vrydag in hegtenis geneem is op aanklag van bedrog. Sy het dieselfde dag in die Modimolle-landdroshof verskyn en is daarna op borgtog vrygelaat.

“Daar word beweer dat die vrou ʼn veldwagterskursus op Facebook geadverteer het,” het Mojapelo gesê. “Die klaer het glo R10 000 in ʼn bankrekening deponeer vir dié kursus, waarna die beskuldigde die kursus gekanselleer het. Die klaer het ʼn terugbetaling geëis van die beskuldigde en sy het belowe om dit terug te betaal. Dié terugbetaling is glo nooit gemaak nie en die klaer het ʼn saak van bedrog teen die beskuldigde aanhangig gemaak.”

Wilmer Muller, reklamebeampte vir die Boer soek ʼn Vrou-reeks, het aan Maroela Media bevestig dat Els steeds ʼn deelnemer aan dié reeks sal wees.

Boer soek ’n Vrou is sedert Februarie in produksie en die episodes word dus ʼn geruime tyd voor dit op lug verskyn, geskiet. Els is ook reeds in April as een van die top-10-deelnemers geïdentifiseer,” het Muller gesê.

“Die kanaal neem kennis van die aantygings teen Els en respekteer die regsproses wat dit tot gevolg het,” het hy bygevoeg.

Die saak teen Els is uitgestel tot 15 Augustus.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

44 Kommentare

jongste oudste gewildste
Eish

Née o genade tog!

Erica

Ek ruik ‘n Lont!!!!!!!!
Wat se vernedering moet dit nie vir Haar wees nie!!!
So nuuswaardig maar jul vernietig haar Lewe…… Die Media kan wreed wees Glo My.
Wat as iemand nagelaat het om dit terug te betaal en nie die opdrag uit gevoer het nie??? Nou moet sy die BLAAM op Haar Neem??? Dis Onregverdig!!!!!!

Gesiggie

Wat n prag van n mens… hoop nie dit so erg soos dit klink?? sterkte

tom

Wag eers voor daar op die wa geklim word

Ellisras

Arme kind. Jonk en vol planne. Dalk nie vol sake kennis nie. Ek is seker daar is ‘n logiese verduideliking vir die.