Boer sterf in fratsongeluk

Cas Schmidt en sy vrou Elsa. Foto: Facebook.

Cas Schmidt en sy vrou Elsa. Foto: Facebook.

ʼn Boer van Dordrecht in die Oos-Kaap is die naweek in ʼn fratsongeluk dood toe hy homself per ongeluk geskiet het.

Brigadier Marinda Mills, woordvoerder van die polisie, het aan Maroela Media gesê Cas Schmidt, in sy laat sestigs, het sy dubbelloophaelgeweer teen ʼn boom laat staan op die plaas Kleinfontein.

“Die geweer het verstrengel geraak in takke of bosse en het afgegaan toe hy dit wou optel. ʼn Skoot het afgegaan en Schmidt is in die bolyf getref,” het Mills gesê.

Schmidt was in die veld besig met sy vee. “ʼn Plaaswerker het gesien wat gebeur en die familie in kennis gaan stel,” het Mills verduidelik.

Die polisie is na die toneel ontbied, maar dit was reeds te laat om hom te red. “Dit was sy eie wettige vuurwapen,” het Mills gesê.

“Sover word geen vuilspel vermoed nie. Die ondersoek duur voort, maar ons vermoed nie enige vuilspel nie.”

ʼn Geregtelike doodsondersoek word gedoen. Schmidt word oorleef deur sy vrou, Elsa en vier kinders.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

Het jy iets op die hart? Maroela Media se kommentaarfunksie word ongelukkig tydelik gesluit tussen 22:00 en 06:00 op Vrydagaande, Saterdae, Sondae en Maandagoggende.

Jy kan steeds op Maroela Media se Facebook-blad en ander sosiale media saamgesels. Nuuswenke kan deur hierdie vorm gestuur word.

6 Kommentare

boervrou ·

hoe kan dit so vinnig verstrengel raak, weet die plaaswerker dalk iets meer?
daar moet onmiddelik n aanklag ingedien word, sluit toe, geen borg

Flink ·

Mens ka mos di vuurwapen neem vir toetse en kyk wi se vinger afdrukke op die gweer is…nou moet die plaaswerker toe gesluit word sluit eerder jou gedagte oop en hou op fokus op plaasmoorde en selfbejammering…mxm

Ouvrou ·

Dis oor die arme boere deesdae wapens oral moet saamdra. Simpatie aan familie

Het jy iets op die hart? Maroela Media se kommentaarfunksie word ongelukkig tydelik gesluit tussen 22:00 en 06:00 op Vrydagaande, Saterdae, Sondae en Maandagoggende.

Jy kan steeds op Maroela Media se Facebook-blad en ander sosiale media saamgesels. Nuuswenke kan deur hierdie vorm gestuur word.