Boer sterf in tweede plaasaanval op een dag in Wes-Kaap

Martin Louw. Foto: Via Facebook

Martin Louw, ʼn bekende boer en plaasbestuurder van Tulbagh in die Wes-Kaap, is Woensdagaand op ʼn plaas vermoor in ʼn tweede plaasaanval wat dié provinsie op een dag getref het.

Lt.kol. Andrè Traut, polisiewoordvoerder, het aan Maroela Media bevestig ʼn 59-jarige man is omstreeks 20:30 tydens ʼn huisroof op die plaas met ʼn skerp voorwerp doodgesteek.

“Die onbekende verdagtes het met huisware van die toneel gevlug. Niemand is nog in verband met die voorval in hegtenis geneem nie en die omstandighede rakende voorval word ondersoek,” het Traut gesê.

Waterberg Veiligheid en Sekuriteit en Front Nasionaal het op hul onderskeie Facebook-blaaie die boer se naam bekendgemaak.

Volgens Waterberg Veiligheid en Sekuriteit is Louw glo op die plaas ingewag en was sy vrou nie tydens die aanval by die huis nie.

“Ons harte gaan uit na die familie en naasbestaandes van Martin wat wreed vermoor is,” het Front Nasionaal in ʼn verklaring gesê.

“Martin, alombeminde vriend en lid van die gemeenskap, is nog ʼn slagoffer in die sinnelose slagting wat onder ons boere plaasvind. Nog ʼn voedselprodusent, werkgewer, sorgdraer… nog ʼn Afrikaner. Ons dink in ons gebede aan sy mense en aan hierdie stukkende land en hierdie magtelose, moedelose, hartseer volk van ons,” het die party gesê.

Vroeër Woensdag is ʼn 62-jarige vrou op ʼn plaas in die Moorreesburg-omgewing in die Wes-Kaap aangeval.

Maroela Media het berig die slagoffer is in die oggend deur twee onbekende mans oorval en gedreig voordat die aanvallers met huishoudelike ware van die toneel gevlug het. Na wat verneem word was die vrou glo alleen tuis ten tyde van die aanval en geen ernstige beserings is aangemeld nie. In dié geval ondersoek die polisie ʼn saak van huisroof. Niemand is nog in verband met die voorval in hegtenis geneem nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

53 Kommentare

jongste oudste gewildste
Johan

Nou waar is die internasionale wêreld? Wat doen die VN? Daar word meer gedoen wanneer ‘n dier mishandel word as wanneer moord gepleeg word !!!!

Ella

Maar Sisulu se daars niks fout nie..

Michael

O genade is die EFF nou al in die Wes Kaap ook bedrywig?

May!!!

En dan se hulle ons moenie trek nie!!! Ne?

Deloris

???????????