Boer sterf tydens Heilbron-plaasaanval

Petrus Steyn (Foto: Bok van Aswegen/Facebook)

Die polisie in die Vrystaat ondersoek ʼn saak van moord en roof ná ʼn boer op ʼn plaas in die Heilbron-distrik vermoor is.

“Petrus Steyn (51) is vanoggend omstreeks 06:30 op die plaas Holfontein deur een van die plaaswerkers dood aangetref buite ʼn pakkamer,” sê brig. Motantsi Makhele, woordvoerder van die polisie. “Mev. Steyn het vroeër die plaaswerker gebel en gevra om na die boer te gaan soek, omdat sy hom nie in die hande kan kry nie.”

Daar was voetspore in die rigting van die plaashuis. Die vuurwapenkluis is met ʼn slypmasjien oopgesny. Alle voertuie was ook steeds op die plaas met hul sleutels.

Steyn se rewolwer is vermoedelik uit sy besit gesteel. Hy het kopbeserings opgedoen ná hy met ʼn skerp voorwerp aangeval is.

“Een van die plaaswerkers het gesê hy het mnr. Steyn laas gesien toe hy Woensdagaand van ʼn ander plaas af teruggekeer het. Dit is die laaste keer wat hy hom lewend gesien het.”

Boere in die omgewing is gemobiliseer as deel van ʼn plan om die verdagtes aan te tree.

Jan van Niekerk, provinsiale leier van die VF Plus, het gesê die party betuig sy diepe medelye met die naasbestaandes.

“Die oorledene, mnr. Petrus Steyn, was ʼn staatmaker in sy gemeenskap en was onder meer voorsitter van die Laer Volkskool in Heidelberg se beheerraad. Hy is gisteraand op sy plaas Holfontein, naby Heilbron, deur vermoedelik drie persone aangeval en wreed aangerand terwyl hy tussen die huis en die stoorkamer beweeg het.”

Van Niekerk sê die groter tragedie van ʼn plaasaanval soos hierdie is gewoonlik die gesin en gemeenskap wat diep geraak word. In Steyn se geval is drie kinders, Tiané, Claudine en Paul, sonder ʼn pa gelaat. Hy laat ook sy eggenote, Annette, agter.

“Die VF Plus is besorg daaroor dat die boeregemeenskap moedeloos begin raak aangesien daar geen daadwerklike pogings van die regering se kant is om ʼn oplossing vir die onophoudelike stroom plaasaanvalle en moorde te vind nie. Boere is toenemend op hulself en die landbougemeenskap om hulle aangewese om aanvalle af te weer.”

Die VF Plus spreek die hoop uit dat Steyn se aanvallers ten alle koste en so gou as moontlik vasgetrek sal word en die swaarste moontlike strawwe opgelê sal word. Die VF Plus bly by sy standpunt dat boere binne die raamwerk van die wet hul lewe ten alle koste self moet beskerm.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

23 Kommentare

jongste oudste gewildste
Miskruier

Wag tot die koskaste leeg word dan sal mense besef wat n boer beteken.

Jannie van Niekerk

Die EFF, ANC, BLF en BLM met hulle hebalde vuiste is kliphard aan die werk met hulle plaasmoorde en aanvalle om paniek te saai. Ek wed jou die Pres gaan vanaand geen melding maak of simpatie uitspreek soos wanneer dit een van “our people ” is wat vermoor is nie.

Persheks Adri

Cele, hoeveel nog voor julle iets ernstig gaan doen? Nóg bloed op jou hande!!! Ons sal onsself beskerm, want werklik julle moes NOOIT die kommando’s ontbind het nie!

Carina

Gemors van die aarde.Onskuldige kinders is nou sonder ‘n pa.

Joe Olivier

Baie sterkte aan die familie wat ‘n geliefde verloor het aan die hand van ‘n gewetenlose moordenaar.