Boer tereggestel; seun na Jhb-hospitaal gevlieg

Eddie Hills en Marizanè du Plessis. Foto: Facebook

Pieter Hills (56) is op teregstellingswyse doodgeskiet en sy seun, Eddie (26), is in die nek geskiet nadat hulle in hul plaashuis in die omgewing van Hennenman in die Vrystaat aangeval is.

Eddie het glo op die aanval afgekom toe hy by die huis op hul plaas Zwartpan aangekom het. Daar is aanvanklik berig dat Eddie met ʼn skerp voorwerp in die rug gesteek is, maar dit blyk nou dat hy in die nek geskiet is. Hy is in ʼn kritieke toestand in ʼn hospitaal in Welkom opgeneem.

Volgens Marius Müller, nasionale operasionele koördineerder van AfriForum, is Eddie intussen met ʼn lugambulans na die Milpark-hospitaal in Johannesburg oorgeplaas.

Marizanè du Plessis, Eddie se vriendin, het op Facebook gesê hy veg om sy lewe. “Al wat ek vra uit die diepte van my hart, bid en bid asseblief soveel as moontlik vir sy veiligheid. Ek, my familie sowel as syne sal dit ongelooflik waardeer.”

Pieter is op die toneel dood verklaar nadat hy op teregstellingswyse geskiet is. “Die brutaliteit van hierdie aanval wys weereens daarop dat plaasaanvalle nie gewone misdadigheid is nie. Politieke leiers wat gereeld boere demoniseer, moet verantwoordelik gehou word vir die haat wat hulle teen die landbougemeenskap aanwakker,” het Jan van Niekerk, leier van die VF Plus in die Vrystaat, in reaksie op die plaasmoord gesê.

“Hierdie wrede plaasmoord binne etlike ure ná die EFF se parlementêre mosie dat boere hul werkers sleg behandel, is nie blote toeval nie. Die EFF maak onverantwoordelike en populistiese uitsprake in ʼn poging om relevant te bly. Stellings deur hul parlementslede, soos ‘We are coming for your farms’, blaas rassehaat in landelike gebiede aan.”

ʼn Werker van die gesin het Vrydag omstreeks 05:00 op die pa en seun in die plaashuis afgekom nadat die boer se vrou, Antoinette, haar gebel en gevra het om ondersoek in te stel. Sy was nie tuis ten tyde van die aanval nie en kon hulle nie in die hande kry nie waarna sy die werker genader het.

(Argieffoto: Lorraine Claasen)

Die werker het met familie van die slagoffers kontak gemaak waarna die polisie na die plaas ontbied is. Daar word vermoed dat een of twee vuurwapens in die aanval gesteel is. Dit is nie in dié stadium duidelik hoeveel verdagtes by die aanval betrokke was en hoe hulle van die toneel gevlug het nie.

Dit is minstens die derde plaasmoord in net meer as ʼn maand in dié provinsie.

“Die hoë voorkoms van plaasaanvalle en die wreedheid wat daarmee gepaardgaan, dui op haat en hou gewis verband met onverantwoordelike uitsprake deur leiers van partye, soos die ANC en EFF,” sê Van Niekerk.

Die ANC kan volgens hom nie die veiligheidsvakuum in die Vrystaatse landelike gebiede daadwerklik aanpak nie en die landbougemeenskap het alle vertroue in die regering verloor om boere te beskerm.

“Die landbougemeenskap het genoeg gehad van wrede aanvalle op plase en ʼn regering wat nie daarin slaag om hulle te beskerm nie. Die regering se versuim om plaasaanvalle en plaasmoorde tot prioriteitsmisdaad te verklaar, wys dat die ANC nie die kwessie van plaasaanvalle wil aanraak nie.”

Sam Mashinini, LUR vir polisie, paaie en vervoer, het die plaas Vrydag besoek. Volgens Van Niekerk was sy party in gesprek met Mashinini. “Sy besoek is egter te min te laat. Die VF Plus sal aanhou om daarop aan te dring dat plaasaanvalle en -moorde in landelike gebiede tot prioriteitsmisdaad verklaar word.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

25 Kommentare

SomeOne ·

dis sooo onnodig, sterkte aan die familie
ons kan glad nie staat maak op “ons” re -gering- nie
mense, veral boere moet meer paraat wees

Anel ·

Wat nou gaan gebeur is dat boere vreemdelinge eers gaan skiet en dan vra wst siek hulle daar. Sal hulle 100% ondersteun. En nog steeds sê ramaparra niks. Maar hulle reageer baie vinnig as een van hulle selfs net selfmoord pleeg. Maar die word ook nie as terrorisme gesien nie. Ek wonder wat dit is? Baie sterkte aan die 2 families.

Stefan ·

Ek het eintlik geen woorde, wees paraat mense, dis eintlik oorlogstoestande hierdie.
Van die politieke partye moedig dit dan aan met hul ‘kill de boer’ dis nou presies wat hulle doen.

Persheks Adri ·

Ons is nêrens veilig nie en glo my ons bly paraat ten alle tye en bly op ons knieë! Die ergste is niemand doen iets aan hulle nie en as daar ‘n saak gemaak word vat dit honderd jaar om tot ‘n punt te kom ek’s dik vir die klomp regtig!

Persheks Adri ·

EFF’ers se motto hierdie hulle brand en breek en vermoor net! Hulle hits als aan pffft

Werner ·

Dit is so duidelik soos daglig dat die grap van n regering nie die aanvalle kan keer nie.Ons boere Sal nou regtig hierdie soos die oorlog wat dit is moet hanteer.As jy van jou huis af weggaan sorg dat jou wapen in jou hand is sodra jy van die teerpad afdraai .En verwag maar die ergste as jy by jou huis kom .As jy hom klaar deur gegaan het dan kan jy ontspan.

Porseleintjie ·

Kan enige mens ‘n Sowereine God bevraagteken? Dis presies die wêreldwye probleem. Mense is nie meer Godvresend nie. Hoeveel jaar het Jesus vir jou gewag?

Agter die skerms ·

Ek het nie woorde om te beskryf hoe ek voel nie. Eddie ons bid vir jou in ons oge…

Persheks Adri ·

EFF julle hou aan en aan ons is keelvol verby met julle rassisme nie en haatspraak! Dis mos ok om KILL THE BOER te sing en Cyril en Cele bly bly dood stil! Hulle skitter in hul afwesigheid pffft tsssk man

Elmarie ·

Vir die mense wat reeds wakker is, vra ek om verskoning dat ek die vrae hier vra wat julle reeds LANKAL die antwoorde op weet. Vir diegene wat nog in ‘n hoopvolle utopia leef itv ‘n vredevolle “reenboognasie” wil ek sê WORD WAKKER. Hoekom die versuim vd regering om plaasaanvalle tot prioriteitsmisdaad te verklaar? Net een gevolgtrekking:hulle WIL NIE. Waarom nie? Want dit is ‘n politieke tameletjie wat hulle aansien onder die kieserskorps kan beduiwel /verongeluk. Plaasaanvalle is haatmisdaad. Dis rassegedrewe. Punt.

Blomme ·

Dis nou regtig so tragies… Niemand verdien om so te sterf. So jammer vir die bedroefde familie en vriende. Wat het van oms land geword? Alles het begin toe hul op hul eie krag en stupidity begin staatmaak het.. Daardie dag toe gebed en dress code uit die parlement verdwyn het. Daardie was die begin van ons geliefde Piesang Staat!! Klomp Narre sonder ń sirkus!

Pieter ·

Ek bid vir Eddie en die slagoffer se familie. Woorde het ek nie.

Chris dupreez ·

Dis nie net die eff, moenie die blf, black first land first, vergeet nie. Daai wolkop leier van hulle het uitdruklik gesê hulle sal die boere aanval met skerp voorwerpe.

Andries ·

Teen die tyd dat almal wag vir die regering om iets te doen is daar geen boere meer oor in ons land nie almal praat en verder word die onskuldige boere uitgeroei.

Gemaskerde Sopbeen ·

Tragies. Sterkte aan familie en vriende. Hoop Eddie wen die een. Dis lafhartige haatoptrede aangevuur deur polities gemotiveerde uitsprake deur mense wie nie weet wat hulle sê en doen.

Gert Johannes ·

Tragies, ons bid vir julle. Hierdié word beplan en geokstree r derur ANC , daarom doen hulle niks, gebruik EFF en ander daarvoor en hulle is onskuldig. Word wakker BOERE en kry julle self paraat. Wees op diee uitkyk en versigtig vir daardie mak hond.

Pieter ·

Tyd dat ons boere alle kos terug hou die winkel rakke moet leeg wees. Praat gaan niks help nie laat hulle honger gaan slaap.

Car ·

Daar is geweldig baie dinge wat huidiglik die politiek ens. agter dit het. Bybel verklaar dat ons stryd nie teen vlees en Bloed is nie.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.