Boer vas ná ‘aanvaller’ sterf

Argieffoto ter illustrasie.

ʼn 51-jarige boer van Mpumalanga is in hegtenis geneem nadat hy Vrydag na bewering ʼn man uit selfverdediging met ʼn mes doodgesteek het.

Albert Gryvenstein, die operasionele bestuurder van Bossies Community Justice, het Saterdag aan Maroela Media gesê die boer, wie se naam nie genoem mag word voordat hy in die hof verskyn het nie, is Vrydagoggend glo op ʼn grondpad aangeval.

“Hy het op die pad tussen Heidel-vallei en Rocky Drift gery toe ʼn jong man, vermoedelik ʼn sluipslaper, sy voertuig met ʼn klip gegooi het. Hy het stilgehou om na die skade aan die voertuig te kyk toe die man glo handgemeen begin raak het,” het Gryvenstein gesê.

Die man het na bewering ʼn klip opgetel en wou die boer daarmee aanval, waarna die boer hom met ʼn mes gesteek het.

“Die boer het daarna my kollega geskakel om te sê daar was ʼn voorval en om ʼn ambulans te ontbied. Die man het nog gelewe toe die nooddienste en lede van die gemeenskap daar opgedaag het, maar is kort daarna dood.”

Die boer is daarna deur die Witrivier-polisie in hegtenis geneem. Pogings om hom op borgtog vrygelaat te kry, was vrugteloos. Hy bly in aanhouding totdat hy na verwagting Maandag in die landdroshof moet verskyn.

Gryvenstein het ʼn beroep op die gemeenskap gedoen om kalm te bly en die reg geleentheid te gee om sy gang te gaan.

“Die boer en sy prokureurs verstaan die wetlike situasie en gee hul samewerking,” het Gryvenstein bygevoeg.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

102 Kommentare

jongste oudste gewildste
Manny

Nou hoe werk dit. Dis mos nie reg nie, hier word n jong dame geskiet en meneer is nie toegesluit nie. Maar daai boer het homself verdedig en hy word toegesluit. Dubbel standaarde …….

Alida

O ja sommer dadelik tronk toe. Kroonwild.

Tiger

Hierdie “wetlike” situasie waar die boer vir die naweek agter tralies moet sit terwyl HY aangeval was is verregaande.

Ellisras

Ek verstaan ook die situasie. Die boer is WIT. Die “slagoffer” is SWART. Die polisieman is SWART. Ek verstaan die situasie.

Ronell

Jammer vir die boer en sy familie. Die strafproseswet maak voorsiening daarvoor dat jy jou lewe en eiendom mag beskerm, maar ongelukkig is dit nie meer van toepassing op wit mense nie. Ek vertrou die boer se regspan sal hom ten minste in die hof op borg kan kry. Gelukkig is die howe (regters/landdroste) nie so onkundig en wraaksugtig nie en kan die wet reg toepas