Boer vas vir moord nadat hy ‘dief’ doodskiet

Argieffoto

Argieffoto

ʼn Boer van Koster in Noordwes is Vrydag in hegtenis geneem nadat hy glo ʼn man doodgeskiet het wat hy van diefstal verdink het.

Kapt. Paul Ramaloko, woordvoerder van die polisie, het gesê die voorval het omstreeks 16:00 op die Rustenburg-Koster pad ʼn paar kilometer van die boer se plaas af gebeur.

Volgens Ramaloko het ’n 35-jarige man op sy fiets in die pad gery toe die boer hom van die fiets af gepluk het. Die boer het hom beveel om ʼn sak wat hy by hom gehad het te oorhandig sodat hy dit kan deursoek. Daar is glo vroeër by die boer se huis ingebreek en die diewe het met ʼn paar items gevlug.

Die boer het ʼn noodhulpkissie, ʼn kussing, ʼn pet en ʼn paar skoene in die sak gekry wat hy beweer uit sy huis gesteel is. ʼn Rusie het tussen die twee mans ontstaan en die boer het die man na bewering twee keer geskiet. Hy is op die toneel dood.

“Die polisie is na die toneel ontbied en die boer is in hegtenis geneem,” het Ramaloko gesê. “Die boer se vuurwapen is vir ballistiese toetse gestuur.”

Die boer sal Maandag in die Koster-landdroshof verskyn op aanklag van moord. Sy naam kan nie bekend gemaak word totdat hy verskyn het nie.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

45 Kommentare

jongste oudste gewildste
Jan maak n Plan

Pragtig daar beskerm Azania se wette weer die skurke. Arme boer moet seker maar net terug sit en kyk hoe al sy goed weg gedra word en hy en sy gesin nog n kans staan om vermoor ook te word. Hou n bietjie die storie dop. Die hoogte punt sal wees dat die boer die rower geskiet het en nie die rower wat die goed gesteel het en n plaas aanval probeer deurvoer nie.

martin

So wat jy wil se is. Of die swart man skuldeg was of nie moes die boer hom vankant gemaak het? Ja. Dis hoe ons land gaan regkom ne? Deur verre regses soos jy?

Stanley

Die boer, die boer, die boer, hoekom nie net ‘n man nie?

Boer

Ja hy moes hom geskiet het, die wat so roof en moor moet reggehelp word. Dis al hoe die land sal regkom. As die boer by die huis was gedurende die roof dan was hy heel moontlik doodgemaak. Dan was die boer wat JOU voer nie meer daar nie, nog n boer minder wat kos produseer. Sou jy dan vir mnr skelm gevra het om vir jou kossies te plant????? Daardie boer het deur sy aksies meer gedoen om die land reg te ruk as wat jy en jou slapgat maniere ooit sal doen.

mienkie barker

Ons boere leef elke dag met vrees, opgewerk wat met al die boere gebeur, neem hom glad nie kwalik dat hy geskiet het nie.