Boer weer in hof wat glo teen werker se huis vasry

Argieffoto

Frik Muller van Herbertsdale buite Mosselbaai in die Wes-Kaap moet Dinsdag weer in die hof verskyn nadat hy glo opsetlik teen ʼn plaaswerker se huis vasgery het.

Sers. Kappi Kapp, woordvoerder van die polisie, het aan Maroela Media bevestig Muller moet Dinsdag weer in die Mosselbaai-landdroshof verskyn. Hy staan tereg op aanklag van poging tot moord, aanranding met die doel om ernstig te beseer, opsetlike saakbeskadiging en die besit van ʼn onwettige vuurwapen en ammunisie.

Muller het Donderdag in die hof verskyn en bly in aanhouding tot Dinsdag.

Maroela Media het vroeër berig Muller het verlede Sondag met ʼn trekker teen die muur van Hylton Levendal se huis vasgery. Levendal is glo al in Desember afgedank, maar het geweier om pad te gee van die plaas af. ʼn Onderonsie het tussen Levendal en Muller ontstaan wat daartoe gelei het dat die boer glo met ʼn trekker teen die muur van die werker se huis vasgery het.

“Die huis is nie platgery of omgery nie, net die muur is getref. Daar het na bewering van die bakstene van die muur op die werker beland en hy is gering beseer,” het kapt. Malcolm Pojie vroeër aan Maroela Media gesê.

Muller is die Sondagmiddag in hegtenis geneem.

Lede van die gemeenskap het Donderdag buite die hof betoog en versoek dat Muller se aansoek om borgtog afgekeur moet word.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

23 Kommentare

jongste oudste gewildste
michael

Ag Shame die plaaswerker werker what next

Dieselbul

Waarom word so n groot storie gemaak van die ding . Wat van ons mense wat daagliks aangeval of vermoor word .

Anderkant

Nou wonder ek… sou die huis van die werker op die boer se grond geleë wees en die boer die titelakte vir die grond het… hoe kan die huis aan die werker behoort? Kan jy van saakbeskadiging aangekla word wanneer jy jou eie eiendom beskadig? Tensy die werker natuurlik sy Titelakte van “sy” huis kan lewer…

snoefie

alweer die gemeenskaplede! as hulle nie loop en breek en brand nie, dan EIS hulle buite howe terwyl die KINDERS op hulleself aangewys is vir sorg! vir beskerming! vir kos!

Gerrit

Dit is of was nooit sy huis gewees nie dit is die plaaseienaar se grond en gebou die werker is afgedank en wou nie die eienaar se eiendom verlaat nie, ek weet mm werk streng volgens die perskode en gebruik dit om die polities korek te wees maar gee asb die feite soos dit is .Die boer is gearesteer omrede dit n feit is dat daar in suid afrika gediskrimineer word deur diskriminerende wette en optrede van organisasies soos bv die polisie wat die mag het om dit te doen.