Boere kan stabiliteit handhaaf buite die regering

Argieffoto: led.co.za

Die nuus van krediet-afgradering van Suid-Afrika is ook vir die landbou slegte nuus, al kan boere wat uitvoer, moontlik voordeel trek uit ʼn tuimelende rand. In die groter prentjie van die landsekonomie en stabiliteit, is dit egter erg nadelig, ook vir landbou.

Louis Meintjes, president van TLU SA, het gesê die land se rommelstatus is in wese ʼn kompliment, want as daar ʼn gemorsstatus sou wees, sou Suid-Afrika onder die ANC daarvoor kwalifiseer.

“Die rommelstatus spreek net die ekonomie en beleggersvertroue aan, maar op beleidsvlak het die land reeds ʼn gemorsstatus bereik met ʼn regering waarvan die ministers mekaar weerspreek, beleid wat van dag tot dag verander en waar revolusies van verskillende aard bepleit word,” het Meintjes verduidelik.

“Al prioriteit wat daar vir landbou nou is, is om voedsel op die tafel te plaas vir die land se inwoners, so bekostigbaar moontlik. Die rommelstatus gaan ʼn invloed op voedselpryse hê, en lesse in Egipte het al getoon dat hoë voedselpryse wat onbekostigbaar word, tot revolusie kan aanleiding gee,” het hy gewaarsku. “Daarom moet landbou hom geheel en al onttrek van die regeringspolitiek, wat ideologies gedrewe is en nie met die realiteit van die ekonomie rekening hou nie. Die boere kan die stabiliserende mag in die land wees, mits hulle hul nie laat aflei en verlei deur die regering se mislukkende beleid nie. Die ANC moet alleen pa staan vir die land se toestand, en ons as boere moet net doen wat ons moet doen, en dit is om te boer. Ons doen dit al lank reeds ten spyte van die ANC-regering en sy beleid, en nie danksy ʼn ANC-regering nie.”

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

17 Kommentare

jongste oudste gewildste
lw

Boere julle maak ons trots. Dankie vir jul deursettingsvermoe onder uiters moeilike omstandighede en eksterne faktore.

Hendrik

ek weet nie hoe boere hulle van die politiek kan isoleer nie want dit tref hulle ten volle

Hannes marais

Gaan nie so sleg met die boere nie…baie ry nog nuwe bakkies

Ww

Hannes jy kan my ou bakkie koop. Die het net op teerpad geloop vir 163 000km

Lillabel

Hannes, dis wonderlik as hul nuwe bakkies ry, hul skryf dit af teen belasting. Minder geld vir Zuma, sien!