Boetes kom vir karstoeltjie-oortreders

Argieffoto

Argieffoto

Motoriste wat met kinders in die motor ry en hulle nié in stoeltjies of met ʼn sitplekgordel vasgespe nie, kan met tussen R250 en R500 beboet word.

Die nasionale verkeerspolisie sal Dinsdag in Noordwes ʼn padblokkade hou om klem te lê op kinderveiligheid op die land se paaie. Die polisie, provinsiale verkeersdepartement, nooddienste en ander wetstoepassingsagentskappe sal ook by die operasie betrokke wees.

Wetgewing wat vereis dat kinders in motorstoeltjies of met ʼn sitplekgordel vasgegespe moet wees het op 1 Mei vanjaar in werking getree. “Sedert die afkondiging van die wet, het provinsiale verkeersdepartemente begin om met landdroste te vergader om ’n gepaste boete te bepaal om op te lê aan motoriste wat versuim om die wet te gehoorsaam,” het die verkeersowerheid in ’n verklaring gesê.

Volgens die Child Accident Prevention Foundation se statistieke is nagenoeg 84% van kinders in motors nie vasgegespe nie. Duisende kinders sterf jaarliks in ongelukke op die land se paaie.

© RDM News Wire

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

13 Kommentare

jongste oudste gewildste
jj

Wonderlike wetgewing, maar wie gaan “getarget” word hierdeur as ons daagliks sien hoe baie bestuurders met selfone teen die oor bestuur, of hoeveel voertuie kan jy tel wat oor sper en selfs dubbel sperstrepe verby vat, by watter veiligheid wil ons nou eindlik uitkom, of jou baba nou op jou skoot sit , of jy soos n waaghals vinnig en roekeloos bestuur terwyl jy op jou selfoon is, alles is oortredinge wat aan gespreek en nie oorgesien moet word nie, o wag hier kom weer n agtergeblewende in sy duur voertuig kom ons kyk gou weg terwyl hy sy baba… Lees meer »

AmY

Gaan die wette ook geld vir babas in minibustaxis en klein kindertjies wat soos sadientjies in bussies ingeprop word?

Shannon

Baie slim. Jaarliks word hoeveel noodlottige botsings waarin babas in baba stoele sterf aangeteken ??? Waarskynlik weet niemand werklik nie. Maar daar’s redelik goeie syfers vir ma’s wie baba in die skoot vashou in die Hi Ace. Maar dis nie `n oortreding nie want daars nie `n stoel betrokke nie.
In die townships waai onwettige krag drade soos ou spinnerakke in die wind rond maar dis meer wettig as beurtkrag oortreders ?

Peet Schabort

My voorstel: Hou van die stoeltjies gereed by ‘n padblokkade en verkoop dan SONDER ‘n boete aan die oortreder.
Nou is daar ‘n bewys dat die oortreder in besit is van ‘n stoeltjie en kan die volgende oortreding ‘n stywe boete wees.

salie

Ja sure!! Hul is tog sooo lief om wette in te stel, maar wie gaan kyk dat dit toegepas word? Dieselfdes wat selfone toelaat, mense laat begaan om oor rooi verkeersligte te ry, omkoop boetes aanvaar, taxis laat doen wat hul wil, ens, ens. Net nog n doellose besluit in hierdie sirkus van n land!!!!!