Bok van Blerk en Hanna Grobler verwelkom eersteling

Hanna Grobler en Bok van Blerk. Foto: Maroela Media.

Hanna Grobler en Bok van Blerk. Foto: Maroela Media.

Die gewilde glanspaartjie Bok van Blerk en Hanna Grobler het onlangs vir die eerste keer ouers geword.

Die egpaar se mediawoordvoerder, Jenny Griesel, het die nuus Woensdag aan Maroela Media bevestig.

Van Blerk (Louis Pepler) en Grobler, wat bekend is daarvoor dat hulle uit die kollig bly, het die nuus vir die hele duur van haar swangerskap uit die media gehou.

Hulle is in Mei 2015 deur “diep waters” toe hulle hul seuntjie verloor het. Hy is doodgebore.

Griesel sê die egpaar gaan in dié stadium nog nie enige inligting oor hul eersteling bekend maak nie, behalwe dat beide ma en die bondeltjie gesond is.

Die egpaar sal in Maart vanjaar drie jaar getroud wees.

Van Blerk is hoofsaaklik bekend as sanger en akteur, en Grobler as aktrise en die hoof- uitvoerende beampte van die Hanna Charity and Empowerment Foundation, ʼn liefdadigheidsorganisasie wat hom toespits op die bekamping van armoede.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

77 Kommentare

jongste oudste gewildste
Ria

Wonderlike nuus oor twee wonderlike mense! Baie geluk.

Tasha

Baie geluk!!!!

Bets Bothma

Baie geluk! So bly vir julle! God se seën, liefde en beskerming oor jul toegebid! Geniet die bondeltjie!

Sorika

As twee mense dit verdien om ‘n kindjie ryker te word is dit julle twee. Baie geluk julle!
Mag hierdie engeltjie wat aan julle geleen is net vreugde vir julle bring. Bok jy is my seun se held en Hanna jy is my dogter se heldin…bly die mooi mense wat julle is wat voorbeelde stel vir ons kinders.
xxxxx

Yvonne

So Dankbaar saam hulle grootste geskenk ooit ‘n bondeltjie liefde !