ʼn 42-jarige vrou en haar 31-jarige broer, wat vermoedelik deel is van ʼn sindikaat wat bokke steel en verkoop, is in Ledig naby Rustenburg, Noordwes, in hegtenis geneem.
“Die polisie het ʼn bokkarkas, -vleis, en dagga van 6.1 kg, met ʼn geraamde straatwaarde van R3 000, in hul besit gevind,” het sers. Kealeboga Molale, ʼn polisiewoordvoerder, Maandag gesê. “Die twee is vermoedelik deel van ʼn sindikaat wat bokke in Noordwes steel en verkoop. Minstens 357 bokke is oor die afgelope drie maande uit gebiede om Mogwase en Madikwe gesteel.”
Die twee gaan na verwagting Maandag in die Mogwase-landdroshof verskyn.
Hulle word aangekla van die besit van vermeende gesteelde goedere en die besit van dagga.
“Die ondersoek duur voort, en meer inhegtenisnemings word verwag,” het Molale bygevoeg. -SAPA
Ja-nee, Ledig(-heid) is die duiwel se oorkussing!
Hierdie familietjie is regte bokslagters.