Bomdreigement by gewilde JHB-winkelsentrum

Clearwater Mall is ontruim. Foto: ER24

Clearwater Mall is ontruim. Foto: ER24

Die gewilde Clearwater Mall in Roodepoort, Johannesburg, is Maandagoggend ontruim nadat ʼn bomdreigement ontvang is.

“Ons kan bevestig dat daar ʼn bomdreigement by Clearwater Mall is,” het Russel Meiring woordvoerder van ER24, gesê. “Die winkelsentrum is ontruim weens die bedreiging.”

Kol. Noxolo Kweza, polisiewoordvoerder, het gesê die polisie se bomeenheid en honde-eenheid is op die toneel.

“Ons kan nog nie bevestig of die dreigement waar is nie. Die polisie het ʼn anonieme wenk ontvang dat daar ʼn bom is, en stel ondersoek in,” het sy gesê.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.