Borgtog vir vyf wat Fochville-ma glo moor

Die vyf beskuldigdes wat verbind word met Natasha Barnard se dood (Foto: Anja van der Merwe, Maroela Media)

Borgtog is Dinsdag toegestaan aan die vyf beskuldigdes in die moordsaak van Natasha Wheeler Barnard (33), ʼn ma van Fochville.

Maryna Doyle (37), haar kêrel, Sidney Scheepers (41), Cecilia Storbeck (23), Twane Wienand (31) en Rudolf Pretorius (23) het Dinsdag weer in die beskuldigdebank in die hof gestaan, terwyl die galery in die hof volgepak was van familielede en inwoners.

Doyle, Scheepers, Storbeck en Wienand is op borgtog van R5 000 elk vrygelaat, terwyl Pretorius se borgtog op R10 000 vasgestel is.

Doyle, Pretorius en Wienand word voorlopig aangekla van moord. Al vyf word ook aangekla van dwarsboming van die gereg en dat hulle voordeel uit die moord getrek het. Al vyf beskuldigdes ontken skuld.

Barnard is na bewering op 3 Maart in The Boule Vard-restaurant en -kroeg op Fochville aangerand. Paramedici het haar vroeg die volgende oggend by haar ma se huis dood verklaar. Sy het beserings gehad wat daarop gedui het dat sy aangerand is.

AO Kitty Fourie het in die hof getuig dat Barnard trauma aan haar nek en ruggraat gehad het. Sy het nie verder op die uitslag van die nadoodse ondersoek uitgebrei nie.

Natasha Wheeler Barnard. (Foto: Verskaf)

Die beskuldigdes se onderskeie regsverteenwoordigers het Maandag in die hof aangevoer dat dit in die belang van geregtigheid sal wees dat die beskuldigdes op borgtog vrygelaat word. Hulle het voorts aangevoer dat die beskuldigdes se adresse bevestig kon word, dat hulle nie ʼn vlugrisiko is nie en ook geen vorige vengs het nie.

Die landdros het borgtog toegestaan, maar tog gewaarsku dat die staat ʼn sterk saak teen die beskuldigdes het.

“Ons kan egter nie slegs op die gewig van die staat se saak steun nie. Ons moet al die faktore in balans onder die loep neem, soos die belange van die gemeenskap, die regte en vryheid van die beskuldigdes en al die faktore wat die beskuldigdes se regsverteenwoordigers tydens die borgtogaansoek aangevoer het,” het die landdros gesê.

Die beskuldigdes sal na verwagting weer op 31 Mei in die hof verskyn.

Die landdros het tydens haar borgtoguitspraak veral haar misnoeë te kenne gegee oor Fourie se getuienis Maandag oor die kringtelevisiekamera in die kroeg wat tydens die moord afgeskakel is. Sy sê die beskuldigdes het ook stilgebly oor die beweerde aanranding en moord.

“Wat nog meer skokkend is, is die feit dat die oorledene (Barnard) bekend was aan die beskuldigdes,” het die landdros gesê.

Barnard se familie het ná afloop van die hofverrigtinge gesê hulle is ontsteld oor die besluit om borgtog aan die beskuldigdes toe te staan.

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

16 Kommentare

Manie ·

Volgens wet is hulle verdagtes/beskuldigdes totdat hulle skuldig bevind is, dan eers is hulle moordenaars.

Wondermaarnet ·

Wat word van die ou wat die kameras doelbewus gaan afsit het?

Fviller ·

Ek kan nie die regstelsel verstaan nie!!! Alles moet “regverdig” gebeur maar watse regverdigheid is daar vir die vrou en haar familie?

piet ·

Beskuldigdes is eers skuldig wanneer hulle skuldig bevind word.

Magda G ·

Hulle moet agter tralies bly. Hoe kon die mans haar aanrand.

Mariaan ·

Skokkend! Vermoor n vrou en ma…sommer net so in n “bar fight” Hoop jul gewete ry jul vir die res v jul onverdiende lewe! Niks kan dit regverdig…sies man…julle ouers skaam hul seker dood…en nou sit h7lle met die verdriet v dit wat julle “sommer net” gedoen het…tronk toe met julle…daar kan jul lekker fight!

Jannie van Niekerk ·

Borgtog is die grootste gruwelwoord in ons regstelsel. Moord is moord. Hulle behoort in die tronk te bly tot hulle soghnaamde “onskukd” bewys is,

piet ·

Dis ongelukkig nie hoe dit werk nie. Die staat moet bo redelike twyfel bewys hulle is skuldig. Die beskuldigdes hoef nie te bewys hulle is onskuldig nie.

JM ·

Alkoholmisbruik: sit en suip tot in die vroeë oggend, wat gelei het tot gewelddadige gedrag en moord. Niks om op trots te wees nie.

TRP ·

Wat ‘n onregverdige beslissing, hierie gewentenlose moordenaars hoort nie buite tralies nie. Kinders of geen kinders, daar is nou kinders sonder ‘n ma agv hulle

Swerwer ·

Waar op aarde kan MOORDENAARS borgtog kry. As hul dalk oor 6 jaar gevonnis gaan word gaan die families/kindertjies in elk geval nie deur die Pa’s versorg kan word soos die rede gister aangevoer is nie.
Emosioneel ly die kinders in elke geval met of sonder hulle.

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.