Boshoff bedank: Orania Beweging ‘kies verantwoordbaarheid’

Carel Boshoff IV, president van die Orania Beweging. Foto: Forum Nuus

Carel Boshoff, president van die Orania Beweging, het bedank.

Luidens ʼn verklaring van die beweging het Boshoff die tuig neergelê om “oorhoofse verantwoordelikheid te aanvaar vir bestuursgebreke wat tydens sy termyn ingetree het, al word dit nie aan sy persoon verbind nie”.

Volgens Boshoff wil hy nuwe uitdagings aanpak en ruimte skep vir nuwe leiers – nie net wat korporatiewe beheer betref nie, maar ook om ʼn “nuwe era met nuwe inisiatief en insig tegemoet te gaan”.

Daar is vroeër berig Boshoff het vir homself ʼn motor van meer as R100 000 gekoop en hy het glo sy eie salaris verhoog.

Die organisasie het egter ná ʼn vergadering gesê daar was “geen sprake van enige misdryf deur enige van sy ampsdraers” nie.

Die Orania Beweging se burgerraad het in dieselfde vergadering ook ʼn mosie aanvaar waarin hy hom verbind tot goeie korporatiewe beheer en verantwoordbaarheid.

In die verklaring het Sarel Roets, woordvoerder van die Orania Beweging, gesê die voorbeeld wat die organisasie en sy leiers stel om verantwoordelikheid te neem vir leemtes, selfs waar daar geen sprake van skuld of korrupsie was nie, is ʼn navolgenswaardige voorbeeld.

“In gesonde demokrasieë staan leiers terug om verantwoordelikheid te dra vir politieke leemtes, selfs waar daardie leemtes nie deur hulle toedoen ontstaan het nie. Die bedanking (vroeër) van die Britse eerste minister, Theresa May is ʼn goeie voorbeeld daarvan.

“Orania as ʼn gemeenskap en as ʼn breër politieke idee, deel daardie kultuur van verantwoordbaarheid en skuldlose aanspreeklikheid en sou graag wou sien dat daardie kultuur inslag vind in die breër Suid-Afrikaanse landskap, omdat dit noodsaaklik is vir die groei en sukses van gemeenskappe en state,” het Roets gesê.

Die beweging se uitvoerende raad sal nou met die proses begin om ʼn opvolger vir Boshoff te vind.

Die struktuur van die Orania Beweging en spesifiek die rol en pligte van die president, uitvoerende raad en uitvoerende hoof moet herbedink en herdefinieer word en die Orania Beweging moet homself herstruktureer en ontbondel,” lui die verklaring.

Die organisasie het gesê hy het die afgelope paar jaar geweldig gegroei en dat dit groot druk op sy bestaande personeel en infrastruktuur geplaas het.

Die raad moet ook ʼn tussentydse bedryfshoof aanstel om die meerderheid van die aanbevelings van ʼn taakspan oor die verbetering en verfyning van prosedures en beleidsraamwerke vir administratiewe en korporatiewe beheer, te implementeer.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

63 Kommentare

Talie ·

Dis baie nederig om n motor van R 100 000 te koop as jy vergelyk waarmee ons land se regeringsmense mee rondry.

Mmm ·

Ek wou nou net dieselfde sê. Ek moes dit drie keer oorlees om seker te maak ek lees reg haha.

Hy het vir homself ‘n kar gekoop van meer as R100,000.00??? Rêrig??? Haha jy kry nie eers n gewone normale kar vir daardie prys nie????????????

Magda ·

mmmmmmmm – jy kry n kar vir daai prys – ek ry een, en daar is niks mee fout nie.

Sarel Roets ·

Regstellings:

Die R100 000 se voertuig was deur die Orania Beweging gekoop vir die Orania Beweging se president om mee te reis as kostebesparing. Hy het nie vir homself met die beweging se geld ‘n voertuig gekoop nie.

Die korrupsie klagte was kwaadwillig gelê en deur die media skeefgetrek.

Sy Salaris wat verhoog met R6000 omdat hy meer ure op kantoor sou deurbring en nie meer aan sy eie sake kom aandag gee nie.

Kom ons kry die feite reg voor ons gevolgtrekkings maak.

Dries du Toit ·

Sterkte en ons bid hard vir julle. Julle bly die pioniers met n edele roeping. Die vlugtelinge uit SA sal nog volg

pieta ·

Daardie spul wat andere wat bietjie uitstyg altyd aftrek. Agtergeblewes. Jy moet maar hard bid – nydigheid is maar in die gene.

Sarie ·

Ek het 9 jaar terug ‘n 2de handse voertuig aangeskaf vir R100 000.
Om vandag dieselfde bedrag te betaal beteken die man het nie ‘n baie luukse motor gekoop nie.

Gatvol ·

Bedank om die blaam te neem vir bestuursgebreke? Baie sagkens gestel.

Sarel Roets ·

Ja, ook omdat mense mense onredelik bloed soek. Ek lê die verlies aan Carel se leierskap voor die deur van kwaadwillige werknemers, false nuus deur die media en bloeddorstige publiek wat sensasie soek.

Hy het dit gedoen terwille van die behoud van die Beweging en die saak.

Hans ·

Wel, as president van die Orania beweging bedank, moet die res nie ook as medepligtiges die eerbare weg doen nie? Of verstaan hul nie eerbare weg van verantwoordelikheid neem nie?

Sarel Roets ·

Medepligtig aan wat?

Daar was na n reuse ondersoek deur verskeie taakspanne geen gronde vir enige van die korrupsie klagtes gewees nie.

Adam ·

Hy het nogal lank uitgehou in Afrikaner Utopia. Ek kan nie help om te wonder hoekom al die selfbeskkings-voorstanders nie na Orania verhuis nie.

Adam ·

Die Driekamer Parlement het inderdaad gerealiseer. Dit is bloot die Vierde kamer wat na swart belange sou omsien het nooit die lig gesien nie weens die swart bevolking se weiering om deel te neem. Hoe dit ook al sy, selfbeskikking is en sal nooit beskore wees vir minderhede in SA nie en met ons diverse bevolkingsamestelling sal dit tot ‘n Babelse verwarring lei.

Joe ·

Wat keer jou, onthou net om jou rande om te ruil vir Oranias.

Daan Erasmus ·

Die Orania geld eenheid is die Ora. Daar is slegs een fout met dit. Dit is aan die rand gekoppel en kan nie vry sweef nie.

kolla ·

Genade, die perd lyk soos ‘n boemelaar op die foto. Lyk my dit gaan maar swaar daar.

Klip ·

Dankie Kolla, ek stem saam. Ek was al verskeie kere in Orania en die meeste mense daar lyk erg verwaarloos. Wens tog dat die wat dink Orania is die wonderlikste plek soontoe wil gaan en self gaan kyk. Daar is niks wonderliks aan die plek nie!

Johann cb ·

Ek stem saam Kolla, hy moes eerder kos en klere gekoop het!

MEYER ·

Ek kan maklik my rande inruil om daar te gaan bly. Maar ek het ie genoeg rande nie.

Roosknop ·

Okay ek kan verstaan dat hy ‘n kar gekoop het voordat hy die tuig neerlê. Maar kry hy nog na aftrede dieselfde salaris? Hoekom dan homself ‘n verhoging gee as hy geweet het hy gaan aftree? Dit klink net nie vir my reg nie.

Eva ·

Bietjie van ‘n verskil tussen om ‘n regte land te lei en ‘n versukkelde speel-speel bende. Ja laat al die selfbeskikkers daar gaan woon, dalk kan hy dan ‘n kar van R110 000 bekostig.

Jozi ·

R100.00, R10 000.00, R100 000.00… ‘n Miljoen, selfde ding.
As jy die een kan vat gaan jy nie daar stop nie.

John ·

Wat presies is Orania? Is dit ‘n private dorp of ‘n kultuurplaas of ‘n aftreehub? Skynbaar is dit steeds deel van SA waarbinne die inwoners ook hul stem kan uitbring. Onlangs is ‘n inwoner deur die VFPlus ingetrek in sy bestuursgeledere wat die kanse op ‘n eie staat in die kiem gesmoor het. Laasgenoemde dwase aksie gaan uitgebuit word deur vyandiges in die parlement. Die jongste gebeure toon duidelik dat ‘n ysterhand ipv van natuurlike dorpsontwikkeling steeds verkies word… Die ander bitter ooms moet miskien hand in eie boesem steek want dit is duidelik dat almal maar hul sannas goed geolie het uit die armkaste van die moedverlore inwoners.

Wonder maar net ·

Wonder maar net waar was die wonderlike Orania en sy gemeenskap toe klein Poppie iemand nodig gehad het om haar te beskerm.. soveel mense het geweet en anderpad gekyk..

Ellisras ·

Poppie het in Ellisras gebrand. Dit is duisende km van Orania af. Orania het hul eie mense om voor te sorg.

Bertie ·

Orania is ver van Ellisras af en is ‘n geslote gemeenskap soos Wupperthal in die Sederberg sowel as dorpies soos Elim en ander wat eksklusief is. Voorwaardes vir woonreg geld. Al hierdie gemeenskappies, net soos die Xhosa-een in die Oos-Kaap, poog om selfonderhoudend te wees. Wupperthal doen dit al vir dekades.

Oujongvrou ·

Ja wonder ek nou dieselfde ding. Waar was al hierdie mense toe daai klein mensie hulp nodig gehad het. Ek wil tog nie beland in so afrikaner mentaliteit plek nie. Dis seker erg.

Marie ·

Orania is een van die skoonste dorpe in die land, met herwinning van verskeie afvalprodukte soos plastiek ens. Alles werk 100 persent daar, en die kampeerterrein is puik met ‘n heerlike boerekosrestaurant. Die diens is uitstekend, almal praat my taal. Die kwaliteit mens wat daar bly is regtig ordentlik. Hou op skinder van die mense en die plek as julle niks weet nie.

Jerry ·

Marie, jy kan ‘n boek skryf oor Orania. Hierdie anti-Orania mense sal altyd daar wees. Ek sal vandag daarheen trek as ek net my eiendom in die land teen markwaarde verkoop kan kry. Ek besef wat Carel Boshoff gedoen het is verkeerd, maar om Orania nou af te kraak is suur druiwe.

Eva ·

Cherokee, Marie praat van “die mense war daar bly” en nie van “die mense wat hier bly” nie.

Gys ·

Lyk my die meeste MM kommentators is negatief oor ALLES. Negatief oor Suid-Afrika, Orania, hul finansies, net mooi alles. Sny gerus julle polse.

humor ·

In die aard van bogenoemde kommentare word n andersoortige Afrikanermentaliteit openbaar wat alle grense van afstootlikheid oortref. Ek neem aan hierdie mense het geen begrip van wat volkstrots is nie. As die volk wil sterf laat hom sterf.

Johann ·

Eva, om in Orania te mag woon moet jy eerstens aansoek doen, dws. jy kom op ‘n waglys, want daar is bitter baie mense wat daar wil woon, ek praat nie net nie, ek het ook my naam op die waglys, dan voor jy goed gekeur word, voer hulle eers ‘n onderhoud met jou en dan na jy finaal goedgekeur is, moet jy darm geld hê om ‘n huis te huur of koop, so dis nie so maklik nie.

Andre Stander ·

Daar was al ongeruimthede destyd met die tot stand koming van die CVO skole, waar Boshoff by betrokke was.. Bydraende rede hoekom baie van die ouers wat destyds op die CVO Bestuursraad verkies was – en saam met Boshoff gewerk het, geensins by Orania wou betrokke raak nie.
Verbaas hierdie my..? Nie in die minste nie.. Luiperd / kolle – verander skynbaar nie.

jaco ·

voor almal nou Orania te veel ophemel of kritiseer: onthou tog net dat daar maar iets soos 1200 mense woon, en hulle is verdeel in AGT kerke…
So selfs daar staan “ons mense” nie eens saam nie.
Dis in 1991 gestig met net 60 mense. die stigter het toe gehoop daars na 25 jaar 60 000 mense. helaas. dit het toe nie gebeur nie.

Dieter ·

En daai agt kerke is…..????
Kan jy dalk die name gee?
Of is dit iets wat jy by iemand gehoor het wat dit by iemand gehoor het?

Stem saam ·

Jaco is reg. Daar is 8 kerke. Gaan google Orania, Wikipedia, Religion. En ek was ook al daar en het die kerke gesien. As ek reg onthou ook meer as een skool? Van die kerke is NG, Gereformeerd, Hervormde, APK ens. Ek kyk nie neer op mense wat van Orania hou nie en ook nie op die mense wat daar bly nie, maar dink baie mense hier is oningelig en het ‘n onrealistiese prentjie van die plek. Gaan kyk self! Die oord teen die rivier is netjies, groen en lieflik. Die dorp…nie vir my nie!

Koos de Meyer. ·

Die beste stuurman staan mos altyd op die wal. Hoekom is daar altyd mense wat ander afkraak.

Dries du Toit ·

Ek wonder weer waar was al hierdie withaters wat nou boots en all inklim onder die Oraniers wat hulle en niemand skade aan doen nie. Julle is regtig verfoeilik en sal graag wil sien hoe lyk julle. Seker baie taingrig van binne en buite. Siek siele

Geelvink ·

Lag ek nou vir jou taingrig, Dries. Lyk my jy is bietjie taingrig.

ADT ·

Ja nog nooit van hulle gehoor nie. Verlustig hulle seker in al die moorde op plase . Beteken verseker niks vir die samelewing nie

Hoed ·

Dan is daar nog van hierdie klomp wat beweer hy was op Orania. Die verskriklike vermetelheid om van daardie goeie mense se gasvryheid te gaan gebruik maak en dan terug huistoe te ry deur al die misdaad geteisterde dorpe en dan hulle bekke te kom uitspoel oor Orania. Siek is hulle voorwaar. Maar God slaap nie

Klip ·

Mens betaal vir daardie gasvryheid. Die mense was vriendelik. Die verblyf netjies en skoon – soos die dorp. Wat ek sê is dat Orania nie welgesteld of vooruitstrewend voorkom nie. Gaan kyk self. Deur my te kritiseer wat nie daarvan hou nie is jy ook verkeerd. Mense mag verskil. Daar is wel so 1200 mense uit ons meer as 55miljoen wat saam met jou stem. Om te sê die Here slaap nie?? Wat van jou naaste liefhê? Of is alle naastes blank?

VERSEKER ·

Orania het geen misdaad, die hoogste standaard onderwys stelsel ter wereld, skoonste, veiligste, vriendelikste mense, hardwerkend met net een droom en dit is selfbeskikking. Jy moet laag wees om hierdie mense te vervloek. Gee my een rede om hulle te wil vernietig. Israel het al n afvaardiging gestuur om te gaan kyk hoekom is hulle so suksesvol

Johan ·

Ongelooflik hoe as iets reg en goed lyk dan word daar dadelik geskryf dis “die beste in die wereld” !! VERSEKER, het jy ooit gehoor of gelees van enige internasionale ondersoek wat uitgews het dat Orania se onderwys met die “beste in die wereld vergelyk” ?

Joernalis ·

N paar jaar gelede het n sekere koerant n joernalis gestuur Orania toe met een opdrag en dit is “gaan soek iets op Orania wat negatief is sodat ons hulle kan verguis” daardie man het met n negatiewe houding gegaan en sy hele wese het getuig van verbasing. Nodeloos om te se die koerant wou niks plaas nie. Sy berig is toe op die internet geplaas. Gaan google dit

Boerboel ·

Ek dink ek moet n’draai gaan maak daar. Ek hou van vrede en gemoedsrus en geen misdaad. Hoe lank moet mens wag as jy op die waglys is ?

aj ·

Demokraties verkose besture verander voortdurend. Ook in Orania!

Dit is goed so dat Karel Boshoff ruimte skep vir ander leiers om hulle talente in te span tot voordeel van die hele groep. Afwissellende leierskap hou die groep gesond en sterk!

Orania is ‘n klinkende sukses en sal voortdurend groei omdat die mense wat daar woon gemotiveerd is en hard kan werk.

Die destruktiewe kommentators hier op die groep interesseer my!

Waarom die vennyn teenoor ‘n groep begeesterde mense wat hulle eie ding doen?

Ek vermoed dat die venyniges hier op die groep meer belang het in Orania as wat hulle vermeld.

Dalk suur druiwe of jaloesie?

Jimmy ·

Pres Boshoff het die regte besluit geneem. ‘n Ware staatsman.

Dries du Toit ·

Cherokee. Ek verstaan nou nie dat jy so vyandig gesind is teenoor Joernalis nie. Sy/hy het dalk nie die link nou nie. Maar ek weet van n paar keer wat vyandig gesinde joernaliste Orania gaan besoek het om aan die wereld te wys hoe eenvoudig en rassisties hulle is. EN DAN MET HULLE STERTE TUSSEN HULLE BENE DAAR WEG IS. Van hulle het later hulle ware stories op internet geplaas. Gaan google net Orania

chris ·

Jy bedoel Andrew Kenny se rubriek in The Citizen! Wat deur The Citizen geweier was, omdat dit te positief was.

Martin ·

Ons ou volkie… Ons volk is in die grootste krisis van sy bestaan, maar julle maak rusie oor Orania? Daar is nie pille vir onnoselheid nie! Was ek al daar? Ja. Wil ek soontoe verhuis? Nee. Het ek enige kritiek. Nee, gawe Afrikaners woon daar, dit is skoon en misdaadvry. Hoekom wil ek nie soontoe nie? Omdat ek nie glo in klein skaal selfbeskikking nie. Dieselfde geld vir die ouens van die VVA. In die eerste plek kan hierdie kommunistiese regering enige dag besluit om Orania te sloop en hulle eie wesens daar te vestig. In die tweede plek is Orania te afhanklik van die RSA. As jy werklik van selfbeskikking ’n sukses wil maak, moet jy groot genoeg grondgebied hê en oor ’n eie onafhanklike hawe beskik. Anders kan die vyand jou isoleer en ekonomies doodwurg. Kyk, hierdie land is ons land. Lees weer: Hierdie land is ons land. Ons durf nie ons voorgeslagte verraai en ons nageslagte beroof nie! Dit is wat ons sal doen as ons eenkant op ’n lappie grond gaan sit. En dan kom die Sjinese en vat die res van die land oor (hulle streef daarna!) en sny ons ekonomies keel af… Hierdie mooi land moet terug in ons besit. Dit is deur skelm swakkelinge, wat nie eens kon onderhandel nie, aan kriminele op ’n skinkbord weggegee. Ons moet dit regmaak. Anders gaan ons volk verdwyn. Hou op stoei oor Orania (ek gun hulle alle sukses!) en konsentreer op die ontsaglike probleem ter plaatse!

Neewat ·

Maak nie saak watter waarde die motor was nie. As hy dit gekoop het met geld wat nie sy eie was nie, is daar ‘n probleem. Orania se naam sê als. Ek sal nie daar gaan bly nie. Homofobies en rassisties, is hoe ek die plek ervaar en waarneem. Nee wat net ‘n ander vorm van apartheid.

Riena ·

Daar kan beslis `n baie mooi toekoms wag vir Orania. Maar hulle sal meer kinders moet kry om uit eie geledere self te kan groei. Dit is moontlik. Almal wat so kommentaar lewer oor die klaarblyklike armoede is nie beter af terwyl hulle hul eie nageslag doodmaak deur voorbehoeding nie. Hulle lyk miskien net mooier terwyl hulle uitsterf….

AndreD ·

Ek was al in Orania, die mense is baie gaaf en vriendelik en die plek is opmerlik baie skoon en netjies. Kan niks negatief se rakende hulle of die dorp nie.

SjN ·

My vriend het gaan kuier daar en vertel my dat hy wag vir iemand wat in die winkel is en hy sit in die voertuig, hy rook en skiet die stompie by die ruit uit soos per gewoonte, n jong minderjarige wit seun, wat op die stoep sit, tel dit op, doof dit en gooi in die asblik. Hy se aan die oom hy kan sien hy is vreemd hier en dit werk nie so nie, elkeen maak self skoon aangesien daar nie werkers betaal word om dit te doen nie, hy het dit besef en sy kop in skaamte laat sak, Mag dit vir almal wat Oraniw so kritiseer n lewensles wees.

Ben ·

Lees ek nou al die kommentaat oor Orania. N lang ruk gelede ry ek en die vrou daar verby op n motorfiets. Stop toe by die vulstasie en soos die jong seun die tenk volmaak besluit ons om bietjie deur die dorp te ry. So gedink, so gemaak en opvallend was die netheid, geen plastiek sakke en blikke wat rond le nie. Netjiese skool, mooi koeksister beeld, Vervoerd huis pragtig, Niemand in sig. Ek ry stadig want die uitlaatpyp praat kwaai as jy kom draai, en die manne by die hek het gese “stil Oom ne”. Jy sien net die gordyntjies oop en toe maak as ons verby gaan. Was n belewenis gewees. Baie lekker BOEREKOS ge-eet. Ek wonder net hoe voel dit om so afgesonder te leef, beslis veiliger.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.